SAC Ralkap Hakha Khuachung Ah An Lut I, Bomb A Puak

SAC Ralkap Hakha Khuachung Ah An Lut I, Bomb A Puak! SAC ralkap pawl cu nihin July 17, zaanlei suimilam 4:15 hrawng ah Hakha khuachung ah an rak lut i, an luh lio ah cun Hakha khuachung ah bomb voikhat a puak, tiah theih a si. Bomb puahnak ah hliamtuar an um thawng theih a si lo.Hliamhma a pumi SAC ralkap 15 hrawng cu Hakha siizungpi ah an chiah hna i, cuchung ah cun kumtlinglo ngakchia ralkap zong an i tel, tiah theih a si.

 

Thawngpangdang,Matupi Ah Ralbawi Pakhat Thah A Ton Hnu In CDM Siibawi nupa Le Midang 4 Tlaih An Tong!: Chin ramkulh, Matupi peng Pha Naing khua ah July 15 zinglei suimilam 11:00 hrawng ahkhan SAC ralbawi Tan Naing Win cu meithal in kahthah a ton hnu ah CDM cawlcanghnak a tuahtu siibawipa le nupi telh in minung 6 tlaih an tong, tiah theih a si.

 

Ralbawi Tan Naing Win thah a ton ruangah Pha Naing khua ummi CDM siibawipa le nupi cu nizaan July 16 ah SAC ralkap nih an tlaih hna, tiah PhaNaing khuami nih an chim.CDF-Matupi nih July 17, cathanh an chuahmi ah July 15 i ralbawi Tan Naing Win kahthah a ton hnu ah khuami 6 tlaih an tong cang i, thah a tongmi ralbawi le tlaih a tongmi hna hi pehtlaihnak a ngeimi an si lo, tiah an