SAC Ralkap An Lut I, Khua 11 In Khuami 2500 Hrawng An Zaam,

Matupi Peng Zotung Hmunram Ah SAC Ralkap An Lut I, Khua 11 In Khuami 2500 Hrawng An Zaam ,Chin ramkulh, Matupi peng, Zotung hmunram ah SAC ralkap pawl an luh caah zotung hmunram khua 11 in khuami 2,500 hrawng ralzaam dirhmun an phan. SAC ralkap 80 hrawng cu nizan August 6 ahkhan Nabung khua ah an lut, tiah theih a si.

 

SAC ralkap hna cu Gangaw in Matupi peng lei ah an lut i, kahdohnak a um lo nain hriamngan le hriamhme an thlah hnu ah Nabung khuachung ah cun an lut, tiah CDF-Zotung nih an thanh.Ruah a sur peng caah ralzaam hna thutdirnak, umkalnak, riahcaw le sii-ai pawl an har ngai i, bawmh an herh ko, tiah CDF-Zotung nih an cathanh ah an langhter

 

Relchap,Rihkhawdar Ah Zunput A Kalmi Pafa Hna Cu SAC Ralkap Nih An Kah Hna,Chin ramkulh, Falam peng, India-Myanmar ramri Rihkhawdar SAC ralkap camp pawng ah, Zunput a kalmi pafa hna cu SAC ralkap nih an kah hna caah an pahnih in hliamhma an pu, tiah theih a si.Kah a tongmi Falam peng Khawthlir khuami pafa hna cu nihin August 6 zinglei ah Rihkhawdar khua ah thil an zuar.
Thil an zuar dih, zing sml 11:00 hrawng an khua an kir lei ah SAC ralkap camp umnak pawng ah zunput an kal i, an pafa cun SAC ralkap nih an kah hna caah hliamhma an pu. An hliamhma thlop ding ah India ram lei an lanhpi hna, tiah theih a si.

 

Nizaan, August 5 Chin Ralkap le SAC Ralkap Kahdohnak Ah SAC Ralkap 12 An Thi, 8 Hliam An Tuar: Nizaan, August 5 ah Chin ralkap le SAC Ralkap hna cu hmun 3 an i kap i SAC ralkap 12 an thih pin ah 8 hliam an tuar. Chin ralkap( CNA/ CDF) cu an him, tiah CNA Chimphuannak nawlngeitu Salai Htet Ni nih The Chin Post ah a chim.

 

“Nizaan ahkhan a biapi in hmun 3 ah kan i kap, Zokhua le Hakha kar Gangaw lam meng 4 ah kan i kap i SAC ralkap 3 an thi. Hakha Rungtlang Battalion 266 in a rak țummi hna zong lampi ah kan ralkap nih rak bawh in an kah hna i, 3 an thih leng ah 4 hliam an tuar,” tiah a chim.

Cun, Thantlang peng le Hakha peng ramri(Timit thlanglei) Kuhchah le Congthia lei kalnak kahdohnak ah SAC ralkap 6 an thi i 4 hliam an tuar țhan. Thantlang khuachung Palik Station zong kah a si nain thi le hliam hngalh a si lo, tiah Pu Htet Ni nihcun a chim,Nizaan August 5 kahdohnak ah cun CNA, CDF- Thantlang, CDF- Hakha, CDF- Lautu le CDF- Zophei hna an i bawm.