SAC ralkap 40 leng an thi. Kahdohnak ngol a si hnu ah SAC ralkap nih Aungchainta(အောင်ချမ်းသာ) khua

Sagaing ramthen, Kanbalu-Kawlin-Kyunhla-Kyunhla peng aa tonnak Aungchainta(အောင်ချမ်းသာ) khua pawng ah August 23 ahkhan kahdohnak a chuak i, kahdohnak ah SAC ralkap 40 leng an thi. Kahdohnak ngol a si hnu ah SAC ralkap nih Aungchainta(အောင်ချမ်းသာ) khua le Konesi(ကုန်းစည်း) khua cu an khangh, tiah tualchung media nih an langhter.

 

August 24, zinglei suimilam 7:30 ah Kanbalu-Kawlin peng aa tonnak Aungchainta(အောင်ချမ်းသာ) khua cu SAC ralkap nih luhhnawh in khuachung inn 75 chung ah inn 73 cu an khangh. Khuami hna nih facang tin thong reng lo an sung, tiah Kyunhla khuami hna nih an chim Cun, August 26 zinglei suimilam 7:00 hrawng ah Kyunhla peng nitlak lei Kunesi(ကုန်းစည်း) khua inn 59 cu SAC ralkap nih an khangh than, tiah theih a si.

 

August 23, Kanbalu-Kawlin-Kyunhla-Kyunhla peng aa tonnak Aungchainta khua kahdohnak ah captain 1 le bawino pakhat cu an nun buin an tlaih i, SAC ralkap 40 nak tlawm lo an thi. Meithal zun 22 le kuan zeimawzat kan lak khawh, tiah Kanbalu pengkomh battalion 2 in chimphuannak nawlngeitu Bu Yaung Ni nih a chim.

Karenni Ramkulh Ah Civil Mi Bantuk In Aa Umter Mi SAC Ralkap Pakhat Karenni Ralkap Nih An Tlaih: KNDF battalion 2 hmunram chung ah tualchung mi bantuk in a um mi, kherhhlainak a tuahtu SAC ralkap ṭaṭ-mah 66 kuttang um khah-lah-yiah 1 in ralkap pakhat cu Karenni ralkap phufonh nih an tlaih, tiah theih a si.

Tlaih a tongmi SAC ralkap cu KNDF battalion 2 tat-khuai 2, Central Command kuttang um battalion 1008 le LKPDF nih an tlaih hnu ah, check hlatnak tuah in KSP sin ah kuat a si, tiah KNDF battalion 2 nih August 28 ah cathanh an chuah.
Credit;The Chin Post