SAC Ralkap 37 An Thi

Myanmar ram pumpi in dohthlennak tuah hnu April 16, 2022 nikhat chung kahdohnak ah SAC ralkap 37 an thi i PDF 2 an nunnak liam, tiah Yangon Khit Thit nih a thanh. Cazin ning ah SAC ralkap a thi mi hi Mandalay ramṭhen Tapaihgyin(သပိတ်ကျင်း) ah 3, Magwe ramṭhen Thilin ah 2, Pakokku ah 3, Sagaing ramṭhen Ye Oo ah 4, Watlet ah 5, Monywa ah 12, Pago ramṭhen Paungte(ပေါင်းတည်) ah 3, Mon ramkulh

Kyitmayaw(ကျိုက်မရော) ah 5, an dihlak 37 an si i KNU bridage 5 ah BGF 2 an i ap. PDF lei in Sagaing ramṭhen Monywa ah 1. Depeyin ah 1 ti in PDF 2 an nunnak liam. Kanren ramkulh, Myawady peng Shwe Kokku(ရွှေကုက္ကိုလ်) ah umhmun a khuar mi ramri hngak batallion 1018 in BGF pahnih cu April 16 ah  an hriamtling he  KNU bridage 5(Mutraw, Phapun pengkomh)sin ah an i ap, tiah KNU Mutraw thawngzamhnak nih a langhter.

Cu BGF pahnih cu unau an si i kumtlinglo ngakchia an si. M16 rifile zuun 2, kunfang zun 203 he KNU bridage 5 kuttang KNLA batallion 102, tat-khuai 4 sin ah an i ap, tiah theih a si. An pahnih in Karen miphun an si i SAC ralkap nih Hpa-An(ဘားအံ), Hlaing Bwe(လှိုင်းဘွဲ့), KawKaReik le Myawady peng kumtlinglo ngakchia pawl cu BGF ralkap si ding in an khawmh hna lio ah aa tel ve mi an si, tiah theih a si. Kawl titoih puai (Thingyan) tuah a si lio caan chung ah hin SAC ralkap nih minung thazaang chap ding in a kalter hna lio ah ah, caan ṭha i lak in an zaam, tiah KNU bridage 5 sin in theih a si. Crd – TCP

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum