SAC Ralkap 2 An Zaam!

Karen ramkulh, Laykekaw peng SAC ralkap ralhmai kal pawl lak in ralkap pahnih cu Cobra Column hriamtlai phu sinah an i fonh, tiah Cobra Column nih a langhter. Cobra Column cu KNU Brigade 6 hmunram ah a cawlcang mi an si i, anmah sinah aa fonhmi SAC ralkap pawl hi Khah Ma Ya 1 Thaton in Win Thun le Khah Ma Ya 559 Bohpin(ဘုတ်ပြင်း) in Kyaw Zaw Hein an si. March 10 kahdohnak lio ah an zaam i Cobra Column sin ah an i fonh, tiah theih a si.

Cobra Column sin aa fonh mi SAC ralkap pawl cu ṭha tein an zohkhenh hna i an chungkhar himnak kongkau zong an tuaktan piak dih hna, tiah theih a si. Hriamnam he CDM tuah a duh mi nan um ahcun Cobra Column Page ah pehtlaih khawh a si, tiah sawmnak an tuah chih. A luancia March thla lio zong ah Khah Ma Ya in Captain Htin Lin Aung le ralkap pakhat zong Cobra sinah an rak i fonh, tiah theih a si.

Pale Peng Mipi Vengtu Kyua Thit Natt Hriamtlai Phu Sin Ah SAC Ralkap 1 CDM A Tuah: Pale Peng mizapi vengtu ralkap Kyua Thit Natt( ကျားသစ်နက်) hriamtlai phu sin ah April 26 zinglei Sml 9:00 hrawng ah Mandalay Naan Twin No. 121 battalion in SAC ralkap pakhat CDM a tuah, tiah Kyua Thit Natt ( ကျားသစ်နက်) nih an chim.

CDM a tuahtu a min cu Kyaw Zin Aung a si i Ralkap Training sianginn – 11 Lasoe Training sianginn in a dih mi a si. A rian a ṭuannak kum 3 leng a si cang.  Atu bantuk in CDM a luhnak a ruang cu mipi cung ah faknak pek le ṭhatlonak tuah ka duh ti lo i ka lut, tiah a chim.

Atu hi Kyua Thit Natt hriamtlai phu nih CDM a tuahtu Kyaw Zin Aung cu NUG cozah CDM zung an pehtlaih piak. Atu bantuk in mipi sin i aa fonh caah amah he aa tlak ning in lawksawng pek ding in kan tawlrel piak, tiah Kyua Thit Natt in ṭuanvo ngeitu nih a chim. CDM a tuahtu Kyaw Zin Aung cu hriamnam i put loin a zaam in a zaam tiah a chim chap. Crd – TCP

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si. A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah.

NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum