SAC Ralkap 120 Leng An Thi

KNU ( Karen National Union) Mutraw pengkomh Brigade 5 hmunhma chungah a luancia ni 15 chung kahdohnak ah SAC ralkap a thi mi le hliam an tuarmi 120 leng an si tiah KNU Center nih cathanh a chuah. April 1 in 15 ni tiang KNLA ( Karen National Liberation Army) le SAC ralkap karlak kahdohnak voi 174 a chuak i SAC ralkap 81 an thi, 44 hliam an tuar tiah theih a si.A thimi chungah tatkhuaihmu 1, tat kyiat Gyi 1, tat kyiat 1 an i tel i SAC ralkap mawtaw 3 hrawh a si tiah theih a si.

Karen National Liberation Army (KNLA ) ralkap lei in 1 a nunnak liam i 7 hliam an tuar tiah cathanh an chuah. Yuangan Khuapi PDF Sakhan Pakhat SAC Ralkap Nih An Lak Shan ramkulh thlanglei, Yuangan peng, NuaBanGyi khua nitlaklei tlang le tlang karlak ah a um mi PDF sakhan cu SAC ralkap nih thazaang tampi hmang in an lak tiah theih a si.

Yuangan ( ရွာငံ) khuapi chung ruah a sur i minmei nih a zelh dih lioah SAC ralkap hna nih tanglei lawng si lo in Jet vanlawng 3 zong an hman tiah theih asi. Hi Sakhan (Camp) i a ummi hna cu Yuaan (ရွာငံ) Yanngan Defence Force  (YDF) le Tuanggyi PDF ( TPDF )a fonhmi phu hna an si i an mah he i pehtlaih khawh a si rih lo caah thawngfiang kan thei kho rih lo tiah Shan ramkulh tlanglei um PDF ralkap pakhat nih DVB ah a chim.

SAC ralkap hna nih PDF sakhan cu an luhhnawh hnu ah NuqBanGyi ( နွားဘန်းကြီး) khuachung inn zong an khangh hna tiah theih asi. Yua Ngan ( (ရွာငံ) khuapi ah a um mi khuami pakhat nih ” SAC ralkap nih YuaNgan khuapi ah ralkap thazaang tampi a chap,  PDF hna he pehtlaih nak nan ngei tiin tlaih a tongmi hna zong an um. CDM cozah riantuan hna i an inn pawl cu an kharpiak mi hna le an khangh piak mi hnazong an tlawm lo. Cheukhat ralzaam hna zong harnak phunkip an tong ” tiah a chim. Crd – TCP

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum