SAC Ralkap Ṭanhtu Motor Bomb Puah A Ton

Ramkulh komh Burma ram khualipi Naypyitaw, YanAungmin(ရန်အောင်မြင်)lam tonnak ah SAC ralkap dirpinak lamzawh aa timmi hna cu mi an i hngah lio nihin May 16 zing sml 7:20 hrawng ah bomb lung 2 a puak, tiah tualchung mi hna nih an chim. SAC ralkap dirpi lamzawhnak cu nihin May 16 zinglei ah SAC ralkap a dirpi tu hna cu hmun pakhat ah mi an i hngak cuahmah lioah bomb a puah hi a si, tiah theih a si.

May 15 zan ah SAC ralkap dirpi lamzawhnak cu Phaya Kyi(ဘုရားကြီး) hmun ah kan tuah lai tiah Loud Speaker in an au. Hihin May 16 zinglei YanAungMin lam ah mi an i hngak hna lioah bomb a puah hi a si. Aa hliammi zong an um,” tiah tualchung mi nih an chim. Aa hliammi hna cu Layway(လယ်ဝေး) peng ihkhun 100 sii-inn ah an chiah hna, tiah an chim.

Cu lamzawhnak ah SAC ralkap nih remdaih ton biaruah sawmnak le ram dangmi i thlak lo ding dirpinak an tuah hi a si. Relchap:  Mindat Khua Chung A Lutmi Mino 3 Cu SAC Ralkap Nih An Tlaih Hna Chin ramkulh, Mindat khua chung ah luh aa timmi mino 2 cu nihin May 16 zinglei ah SAC ralkap nih an tlaih hna, tiah theih a si. Nizan May 15 ah cycle remh dingin a kalmi mino 1 zong SAC ralkap nih an tlaih i tu tiang an thlah rih lo. A nu le pa cu Battaliin 277 ah rat ding in an auh hna, tiah theih a si.

Mindat le Kyaukthu kar lak ah a hohmanh kal rih lo ding in thawng an thanh. Relchap:  Remdaih Ton Biaruahnak A Kai Ding ALP Cu Rakhine Ram Mino Bu 24 Nih An Cohlang Lo SAC ralkap nih remdaih ton biaruah sawmnak ah a kai ding Arakan Liberation Party(ALP) cu Rakhine ramkulh chung um mino bu 24 nih an cohlan lonak kong nizan May 15 ah cathanh an chuah.

Rakhine rammi hna ca ah a dang timtuahnak lam a um cang ko bu ah mizapi aiawh loin remdaih tonbiaruahnak an kai ahcun mizapi inn-lo, humhimnak ca ah a fekmi biakamnak a si lo i, zumh zong a um lo caah kan cohlan lonak a si,” tiah Rakhine Student`s Union in chimnak nawlngeitu Kyaw Naing nih a chim.

ALP nih remdaih tonbiaruahnak ah kan kai lai an ti ko nain Rakhine rammi nih an cohlan lo ahcun pakpalawng a si ko. Rakhine ram mizapi ca ah kan tuaktan mi lam a um cang ko. Mizapi nih an cohlanmi bu lawng he remdaih ton biaruahnak kan tuah lai,” tiah a chimchap.

Ton biaruahnak ah a kai ding ALP a cohlang lotu hi Rakhine Student`s Union telh in mino bu 24 an si. AA ralkap le ni chuahlei ṭangṭi phu 3 nih cun hi remdaih ton biaruahnak hi ṭha tein kan ngiat rih lai, tiah an chim. Tlangcung hriamtlai NCA minthu mi phu chung in phu 7 cu ton biaruahnak ah an kai lai i, NCA minthu lomi chung in phu 3 an kai ve lai, tiah theih a si. Credit – TCP

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum