SAC Ralhrang zaan ah ruahlo pi in an luh i khuami 1300 reng lo an zam nak aruang bik cu

SAC Ralhrang zaan ah ruahlo pi in an luh i khuami 1300 reng lo ral an zaam. Myaungpeng chung ah september 4 Tuzan ah SAC ruah lo pi in an luhruang ah khua mi (1300)reng lo cu zanlai ah hmunhim fuk in ral an zaam tiah CDSOM phu nih an chim nak theih a si.

 

Relchap,Demosoe ah ralhrang hriamnam fimtawl a si than.Kayinni ram Demosoe myone Nguaitaung khua thar pawng ah ralser in a kal mi SAC Ralhrang cu nihin september 4 ziing ah KA၊ KNDF B 10 hna i bawm in an kah hna i ralhrang (1) a thih leng ah hliamfak ngai a tuar mi an tam , hriamnam zong fimtawl a si tiah theih a si.

 

Cu lawng si lo in nihin chun ah Pharusoe peng Dawngekhu khua le Thiipawhsoe khua pawng hna ah ralser timh in um hmun a khuar mi SAC Ralhrang hna cu KA ၊ KNDF B 04 ၊ B 15 i bawm in suimilam pahnih reng lo an kah hna i ralhrang a thi mi an um tiah theih a si.
Cu hnu ah SAC lei nih hriamngan hleihluat hmang in ankah thlah i Demosoe – Pharusoe motor lampi cung ah ralser in umhmun an i khuar tiah theih chih a si.Credit;LKZ News.