SAC Officer 2 An Thah Hna

Karen rebels at a base along the border between Myanmar and Thailand, Jan. 31, 2012. A leader of the Karen rebels portrayed a cease-fire announcement in January as part of a public relations campaign by the government for the benefit of foreign nations. (Adam Ferguson/The New York Times)

SAC Officer 2 An Thah Hna. Tuchun Sagaing Region, Kawlin peng ah KIA+PDF le SAC dohnak a u i SAC lei officer 2 le ralkap leng an thi tiah thei a si. SAC hi Kachin ram ah kuat an si i lam pi ah kah an tawng tiah thei a si. A dang relchap – Sagaing ramthen Kawlin peng ah KIA le PDF fonh ralkap nih ralhrang umhmun an kah ralhrang a thimi an tam. Sagaing ramthen.Kawlin peng Titsaihkung um ralhrang rallokap umhmun cu

KIA le PDF fonh ralkap nih nihin zinglei suimilam 10 ah an luhhnahw i tiah thawngtheih asi. Zanlei suimilam 4 tiang ah i kahnak voithum a chuak tiah theih asi. I kahnak ah KIA,PDF lei in hliammi an um lo nain ralhrang lei in hliammi le a thimi an tam tiah theih asi. Cu hlei ah Sagiang in Kachim ramkulh ah hriamnam thazaang tling in a rak phur mi mawtaw panga cu KIA Brigade 5 Batalian 5 phu le Kawlin mipi ralkap hna nih

Kawlin panwgah an kah hna i mawtaw pathum khangh an si. Mawtaw cungah a ummi rallokap hliammi le a thimi an tam tiah theih asi. Ralhrang rallokap an fahtuk caah Kawlin khua chungah hriamhme he hriamngan he mipi inn le lo an kahnak ah hriamhme kuan nih nu pahnih a hliam hna. Zahan zaanah Kawlin peng Zuashi khua ah ralhrang sinah thawngpe tu mirawitu(Dalaan) min ngei pakhat thah asi. Vuanmaw peng ah ralhrang nih.

KIA hmunhma ah hriamngan an kah. Vuanmaw peng Vuyian khua pawng ah nihin chun suimilam 12 hrawngah bomb puah thawng theih asi. Vuanmaw ah hrambunh mi ralhrang Batalian 58 nih KIA hmunhma asi mi Nanzawyian khua ah hriamngan in an kah. Bomb puah ruangah hliammi le a rawk mi cu fiangin theih asi lo. Vuanmaw peng Mainasupawng gate cu June 23 zaan suimilam 7 hrawnfah KIA nih an va kal bal cang.

Credit – TCP