SAC nih hmanhmi bomrap 78 an hmuh,2022 August 19 – Latpantaung tlang Copper project pawng ah SAC ralkap nih an hmanhmi bomrap 78 cu mipi hriamtlai phu nih

Latpantaung tlang copper project pawmgah SAC nih hmanhmi bomrap 78 an hmuh,2022 August 19 – Latpantaung tlang Copper project pawng ah SAC ralkap nih an hmanhmi bomrap 78 cu mipi hriamtlai phu nih an fim khawh tiah theih a si.Bomrap pawl cu North Maya PDF battalion then nih an lak khawh hi a si.An lak khawhmi bomrap 78 cu SAC ralkap pawl dohnak ah hman than a si lai tiah Sagaing ramthen, Yinmapin peng North Maya PDF nih August 19 ah a thanh.Crd.. The Chin Post

 

 

Relchap,.A tang i kan langhtermi hi The Federal Journal nih May-June le July, thla 3 chung i tlangcung miphun hna hmunhma dirhmun an khawmhsuatmi a si. Federal Journal nih cun dohthlennak ah tlangcung mi hna cawlcanghnak le kahdohnak kong hi thla 3 voikhat in an khawmhsuat tawn.

 

1. Kahdohnak Kong: May, June le July thla chungah tlangcung miphun hna hmunhma ah SAC ralkap le dohthlennak miphun ralkap hna kahdohnak voi 1,516 a chuak. Kachin ah voi 61, Kaya ah voi 149, Chin ah voi 105, Karen ah voi 1,072, Mon ah voi 57 le Shan ah voi 72 an si.

 

2. SAC Ralkap A Thimi: May, June le July thla chungah tlangcung miphun hna hmunhma ah SAC ralkap a thimi dihlak hi 2,329 an si. Kachin ah 155, Kaya ah 299, Chin ah 471, Karen ah 1,099, Mon ah 150, Shan ah 155! Hliam a tuarmi dihlak 1,210 an si.

3. Miphun Ralkap A Thimi: May, June le July thla chungah tlangcung miphun hna hmunhma ah SAC ralkap he kahdohnak ah miphun ralkap a thimi hi 147 an si. Kachin ah 8, Kaya ah 27, Chin ah 55, Karen ah 36, Mon ah 3 le Shan ah 18 an si.

4. Ralhrial In A Zammi Hna: May, June le July thla chungah tlangcung miphun hna hmunhma ah ah ralhrial in a zammi dihlak hi 427,683 an si. A tam bik cu Kaya a si i ralhrial in a zammi 193,600 an si. A pahnihnak cu Karen a si i 105,650 an si. A pathumnak cu Chin kan si i ralhrial in a zammi 68,933 kan tling cang.

5. Mizapi Thihnak: May, June le July thla chungah tlangcung miphun hna hmunhma ah SAC ralkap nih ningcang loin kahnak, vawlei tang phummi bomh lamhnak, kahdohnak ah thahnawnnak in a mipi a thimi dihlak hi 173 renglo an si. Kachin ah 27, Kaya ah 15, Chin ah 55, Karen ah 25, mon ah 24 le Shan ah 27 an si.
Crd.. The Chin Post