Russia Nih A Ramchung Luhnak Nawl A Phih Hna

Facebook a sertu Zuckarberg le US Vice President tel in minung 28 cu ramchung luhnak nawl phih piak an si tiah Russia nih thawng a thanh. Hi hi Russia nih Ukraine a tuk ruang ah nitlak lei ram nih chaw lehthalnak (economy) phih kharnak an tuah ruang ah lehrulh an cham bia a si, Russia nih ramchung luhnak nawl a phihmi cazin ning ah Facebook a sertu Maczuckerberg, US Vice President Kamala Harris, Linkedin CEO Ryan Roslanski le ABC reporter George Stefanopulos pawl zong an i tel.

Russian Foreign Ministry nih ramchung luhnak nawl kan phih mi hna hi zeibantuk konglam hmanh ah Russia ram ah luhnak nawl an ngei ti lo tiah a ti, Hi hna pawl hi USA ah Russia huatnak lungthin an ngeih nak hnga thi rawnh tu an si tiah Russia Foreign Ministry nih sual an phawt hna. Asinain Russia nih phih kharnak an tuah mi hi Zuckerberg le Harris caah cun zei pipa ngai in zatlak nak a um lo,

Cazin chung ah aa tel mi Meduza news website editor Kevin Rothrock nih cun ”nichuak capo a tongmi bak ka si ko,” tiah a Twitter ah a thial. Russia nih kan hnu thla zong ahkhan US President Joe Biden le palai 398 cu ram chung luhnak nawl phih an si tiah a rak thanh, Zuckerberg zong hi ramchung luhnak nawl pek lo a rak si bal cang i Linedln hi i 2017 lio khan Russia ah hmannak nawl phih khar a rak si. Crd – TCP

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum

April 1 in 22 tiang zarhthum chung ah Thailand-Myanmar ramri in Thailand ram ah phung ning loin a lut mi Myanmar hlawhfa 800 leng tlaih an tong tiah theih a si. Phung ning loin a lut mi Myanmar rammi hna cu Thailand palik nih Thos pengkomh ah nifatin in an tlaih ko hna nain a lutchuak mi minung cazin hi rian ngeitu hna nih a dik ning tein an langhter lo tiah Joint Action Committee for Burma Affair (JACBA) Chairman U Moe Kyio(ဉီးမိုးကြိုး) nih a chim.

April 21 ah 46, nihin(April 22) ah Mesot peng (မဲဆောက်) ah mining 10 an tlaih hna. Me Sein(မယ်ဆိုင်) le Ya Naung(ရနောင်) zong ah an tlaih hn, A dang thla nak inn tu thla tlaih mi hna hi an tam chin lengmang. Titoihpuai(Thingyan) chung ah ramri in an lut hna i a lut mi zat tu cu security pawl nih thawng dik an thanh mi a um lo,” tiah a chim.

Theih pinak umlo in a rak lut mi Myamar mi 10 cu April 22 ah tlaih an si i Thanh Saungyan(ထန့်ဆောင်ယာန်) peng ah April 21 ah minung 34 tlaih an tong tiah a chim chap. March thla chung ah khan Thailand-Myanmar ramri in phung ning lo in a rak lut mi Myanmar hlawhfa 1600 tluk cu Thailand palik nih an rak tlaih hna.