Rungtlang in Timit lei ah hriampi in voithum Ralhrang nih kan mipi ralkap an kah hna,

Ralhrang pawl zahan zaan muika in khuadei lai minute tiang meithal an puah ,ni hin an umnak hmun in chuak ngam loin horkuang chungah an um i, an chuah sual ah tiah sniper he kan ralkap lei nih an bawh hna i, zaanlei suimilam 1 PM hnu lawngah minung pakhat a rak chuak i thi lak in an kah khawh.Halkha lei in 120 mm hriampi in kan ralkap an vun kah hna.Drone in bomb Pa (3) kanmah lei nih an tlak,pa(2)a puak, an cung ah Pa khat an tlak khawh caah hma pu cu an um lai tiah zumh a si.

 

Nizaan an riahnak in 8:30am hrawngah ralhrang zeimaw zong hliamtuar pathum li i puak pah in an kir tthan ve , zeimaw cu an taang rih tthiam, 10:05am ah Hakha ah Chopper a rak phan. Thantlang zong a lan lai i a kal pah ah Hk-TT kar ummi pawl a tthuat pah hna lai tiah zumh cio asi nain 10minutes a rauh hnu ah Kalay lei a panh tthan colh.Tuzing a kirmi pawl cu 11:00am hrawngah nizaan a kir ciami pawl nih an rak don hna i an iton hnu ah zeimaw cu cunglei ah an kai tthan i zeimaw cu tiva ah an zuang.

 

 

Timit tiva a thlanglei pi ah mei hna an kau i rawl hna an chuang pah len zan hrawng ah tiva ummi pawl zong kanmah lei zeimaw nih an va tthuat hna. Pakhat cu kan hrilh bak an ti, ai hliam zah bal theih asi lo,Timit lei Ralhrang pawl bawmtu dingah Thantlang ralhrang 35 hrawng an ra lai tiah thawng kan theih caah zaanlei suimilam 3-4 kar ah TT khuachung cawlcangnak zong tuah a si. Kan hawile himbawm tein an umnak hmun cio an phan kho hnaRalhrang lei hliamtuar zat bal kan thei kho lo.Pathian thawngin Hk le TT kar kan hawile si hna seh TT khuachung kan hawile zong an him dih. tang rih mi thaizing lei ca zongah thlacamnak in bawm cio rih hna sihlaw.

 

Relchap, Nizaan, August 5 Chin Ralkap le SAC Ralkap Kahdohnak Ah SAC Ralkap 12 An Thi, 8 Hliam An Tuar: Nizaan, August 5 ah Chin ralkap le SAC Ralkap hna cu hmun 3 an i kap i SAC ralkap 12 an thih pin ah 8 hliam an tuar. Chin ralkap( CNA/ CDF) cu an him, tiah CNA Chimphuannak nawlngeitu Salai Htet Ni nih The Chin Post ah a chim.

“Nizaan ahkhan a biapi in hmun 3 ah kan i kap, Zokhua le Hakha kar Gangaw lam meng 4 ah kan i kap i SAC ralkap 3 an thi. Hakha Rungtlang Battalion 266 in a rak țummi hna zong lampi ah kan ralkap nih rak bawh in an kah hna i, 3 an thih leng ah 4 hliam an tuar,” tiah a chim.

Cun, Thantlang peng le Hakha peng ramri(Timit thlanglei) Kuhchah le Congthia lei kalnak kahdohnak ah SAC ralkap 6 an thi i 4 hliam an tuar țhan. Thantlang khuachung Palik Station zong kah a si nain thi le hliam hngalh a si lo, tiah Pu Htet Ni nihcun a chim,Nizaan August 5 kahdohnak ah cun CNA, CDF- Thantlang, CDF- Hakha, CDF- Lautu le CDF- Zophei hna an i bawm.

Creditr;The Chin Post