Rihkhawdar Kahdohnak Ah A Thi Mi Ralkap Ruak Hna Cu Helicopter Nih Thiar A Timh hna nak aruang dang arak um ee

 

Nizan August 10, Falam peng, India-Myanmar ramri, khua Rihkhawhdar No.2 sang, Tio tiva kam tlangcung i kahdohnak ah SAC ralbawi pakhat telh in ralkap 5 a thimi hna ruak cu nihin August 11, chunhnu ah SAC ralkap helicopter nih thiar a timh hna, tiah theih a si.

 

Tio khuachung ummi pakhat nih, “Nihin August 11 chunhnu ah SAC ralkap helicopter pakhat Tio khuachung ah a phan, a zuan thawng cu voi dang kel a lo lo, a thawng a dai ngai. Nizaan i a thimi mi ralkap hna ruak lak an timh tiah kan theih. Atu zaanlei suimilam (3:00 india times) tiang ah helicopter cu a kir rih lo,” tiah The Chin Post ah a chim,Nizaan August 10 kahdohnak ah SAC ralkap ralbawi pakhat telh in ralkap 5 an thi i, ralkap 4 nih CDM an tuah, tiah theih a si.

 

Thawngpangdang,Thla 7 Chung Ah CJDC Nih SAC Ralkap 927 An Thah Khawh HnaChinland chung ralkap phu hna an i fumtomnak Bu “Chinland Joint Defense Committee (CJDC)” nih 2022 January 1 in july 31 tiang ah SAC Ralkap le Chin ralkap voi 220 kan i kap i SAC ralkap 927 an thi. Chin ralkap 53 nih Chin Miphun le ram caah nunnak an pek ve tiah August 11 ah Cathanh an chuah.

 

Kahdohnak a chuahnak hmun hna cu, Tonzang peng ah (2), Paletwa Peng (7), Thantlang (9), Tedim (13), Matupi (18), KKG (Kalay Kabaw Gangaw ( 23), Kanpalet (24), Mindat(35), Falam (44), Hakha (45) tiin kahdohnak voi 220 a chuak, tiah an cathanh ah an langhter. Thantlang Khuachung kahdohnak hme tete telhchih a si lo,
Credit;The Chin Post