Rialti Khua Pawng Ah An Hmuhmi Mithi Ruak Cu Thlacamnak Tein Zaanlei Ah An Vui Cang

Rialti Khua Pawng ah an Hmuhmi Mithi Ruak cu Thlacamnak tein Zaanlei ah an Vui Cang. Rialti khua pawng, motor lamthlang pe 10 hrawng ah nihin zinglei ah pa pakhat ruak an hmuhmi cu Falam-Hakha karlak mengtung 144KM zawn ah Lungpi Baptist Church pastor David thlacamnak in nihin zaanlei ah an vui. A ruak a rawh cang caah atu tiang aho si timi theih a si lo.

Aho a si timi an theih tik ah chungkhar nih hmailei ah fawi tein a ruhro an hlam khawh nakhnga mengtung 144KM zawn ah a ruak an vui hi a si. Rel chap – CDF-Matupi nih SAC Ralhrang Thawngpetu Dalan 3 an Thah Hna. SAC ralhrang he rian a ttuanmi Dalan 3 cu CDF-Matupi nih an tlaih hna i September 26 ah an thah hna, tiah tu zaan ah cathanh an chuah.

“Matupi peng chung ah SAC ralhrang he aa pehtlaihmi minung 6 cu September 16 ah kan tlaih hna. Biahalnak le hlathlainak kan tuah hna tik ah minung 3 hi SAC ralhrang thanwgpetu Dalan an simi a fian caah kan thah hna,” tiah cathanh ah an langhter. A dang minung 3 cu SAC ralhrang he pehtlaihnak an ngeih lo caah October 7 ah him tein an thlah tthan hna.

Rialti Khua pawng ah Minung Pakhat Ruak an Hmuh. Falam le Hakha karlak Rialti khua pawngte ah SAC ralhrang nih an kahmi pa pakhat ruak nihin zinglei ah an hmuh. A ruak hi a tlol cang i aho a si timi hliah a har ngai cang,” tiah khuami pakhat nih a chim. Rialti khua ah October 13 ah SAC ralhrang an rak phan i biakinn telh i khua inn 13 an rak khangh dih. Crd – TCJ