Rialti Khua Inn A Taang Mi A Dihlak In SAC Ralkap Nih Tuzing Ah An Khanghchap

Rialti khua inn a taang mi a dihlak in SAC ralkap nih tuzing ah an khanghchap. SAC ralkap nih October 13 ah Falam Peng Rialti khua Biakinn tel in inn 4 an duah i tuzing October 14 ah a taang mi dihlak an khangh than, tiah kan theih. Falam Peng Rialti khua cu inn 10 hrawng an si i a dihlak in an khangh cang. Hi chung ah Biakinn pakhat zong aa tel,” tiah Cung Ngai sin in kan theih.

Atulio hi Falam Peng ah SAC ralkap le CNA+CDF kar kahdohnak a can lio a si i khuami cheukhat an zaam hna, tiah kan theih. Rel chap – A muite he, thak viar in bengh-lap ding te khin ai umter le. Dear Editor, Kei hi kum 72 upa ka si cang ca ah nan thawng tial mi pawl hi ka tuule ka kauterchom tawn hna. Ca nan chuah ti lonak sau le kan hlam hna. Kale ah zei ca hmanh a chuak ti rua lo hi teh.

Tarmit kai benh bu in fiang ual lo khin ka rel tawn. Ka rel mi pin ah an chimceih mi ka hna in ka theih mi ka ruah tik ah Min Aung Hlaing tepawl hi sau cu an nguh ti lai lo hih, ka hei ti. Chim ruam ahcun, keizong cu ralkap pension te ka si ve. Nain, Min Aung Hlaing tepawl thiltuah hi nan tial lengmang tik ah huat an chuak tuk hme hi ka ti. A muite he, thak viar in bengh-lap ding te khin ai umter le.

Midia nih hin van tial lengmang ko u. Thil thalo an tuah mi zong phozaar lengmang hna u. Ti khan dawh, anmah pawl kan huat hna nak a karh lai le Laimi kan i purup lai cu awh. Cu lo ahcun, ralkap ka tlak lio ah, “Kawl ngian cu Kawl lawng nih an theih,” an kan ti tawn mi kan chuak sual lai. A rengreng ah, feibuk i ca nan tial mi khi ngan deuhpi in kan tialpiak kho ulaw ka duh. Ka mit nih a hmu hringhran lo. Kai lawm. Nehemiah Pu Kale Myo.

Crd – THT