Rev. Thang Hre Covid-19 In A Zaw

Poi ngai. Thlacampiak hna usih. Rev. Thang Hre hi ruahlopi in tu lio zawtnak in a zaw ve i thlacam ka bawmh u tiah a timeline te ah a ṭial. Zumtu han nih thlacam bawm cio usih.  Adang relchap. Na tonmi kha philh hlah mu nunnak an si telai khah Nannih nih kanmah he hawikomhnak nan ngeih ve khawh nakhnga kan hmuh cangmi le kan theih cangmi kha kan in thanh hna.

Biangaite in kannih kan i hawikomhnak cu Pa le a Fapa Jesuh Khrih he a si” (1 Johan 1:3 HBT) Johan nih khrihfabu sinah Thawngtha a chimmi hi a mit in a rak hmuhmi, a hna in a theihmi le a kut in a tonghmi kong a si. Lamkaltu dang zong nih an hmuh mi le an theihmi kha an chimmi a si. Hlanlio profet hna zong an rak si ve. An tonmi, an biaruahmi, an theihmi le an i hawikomhnak kha midang ca ah.

Nunnak petu ding a sunglawi tuk mi a si te lai tiah a ruah awk an hngal lo. Annih nih thilcang hna kha a cang sawh sawh mi le a um ve sawhsawh mi ah an rak ruah. Sihmanhsehlaw an hmuhtonmi vialte hi mansung bik nun thlengtu a si te lai tiah Jesuh nih cun a rak hmuh cang. A zultu hna he rawl an ei timi hmanh kha nunnak Thawngtha a si telai ti a hngalh caah zeizong te ralring tein a tuah peng.

Biaknak hruaitu hna nih an serhsatnak vialte, zeirellonak a tonmi vialte kha kum thong tampi hnuah santlai a si telai ti hi a hngalh dih. Cucaah a hmuhton mi vialte kha a kan chiahtak dih. Cutin rak si hlah sehlaw vawlei ah kum tampi a rak nung hnga! Kum thum te lawng a nunnak cu a hmuhton mi nih hmailei kum tong tampi minung sinah Thawngtha a chim lai ti a hngalh caah a si.

Lamkaltu hna nih an hmuhton mi kha i lak riangmang in vancung pennak chung luhnak tawhfung ah an hman. A mak tuk, a tha tuk! Zumhnak ah thukpi in a pil mi hna nih cun an tonmi le a pawngkam lawng zoh loin, an tonmi in Pathian program an zoh, vawlei an zoh, an tonmi in hmailei chan tampi khi an cuan. An chim ta, an tial ta,midang hmuh dingah an chiah ta.

Na tonmi thil kha a biapi lomi an um lo, i cinken hna, hmailei nunnak a sertu ding an si khah. Na tonmi le na pawngkam lawng zoh hlah, atu nakin hmailei ah an sunlawi ning na hmuh te lai. Pathian nih na hngalh lomi thil an tonter tawn, a sullam na hngal rih lai lo, na fiang rih lai lo, hmailei ah Bawipa nih zeiruang ah dah an tonter timi cu an fianter te lai. Na tonmi kha mansung tuk an si kha philh hlah.

By, Thomas Than Kep