Rev. Dr. Thawng Tha Thang le a pa Bishop Dr. CK No Chhum

Rev. Dr. Thawng Tha Thang le a pa Bishop Dr. CK No Chhum nih Ralzam Caah Inn Hmun an Pek Lai! Chinland Foundation ah President atuan lio mi Rev.Dr. Thawng Tha Thang le a pa Bishop Dr.CK No Chhum nih kan miphun ralzam in Yangon ah a dor mi hna caah inn hmun 100 an pek hna lai. Hi inn hmun peknak kong he pehtlai in Rev.Dr. Thawng Tha Thang nih a tanglei bantuk in a Facebook cahmai ah a langhter.

Pathian thawng le thla a kan campiaktu mipi thawng in Miphun hawi ralzam chungkhar 100 caah innhmun 100 kan pek hna lai. Mirang kut in kan luat hnu kum 74, kan Chinmi tuanbia ah a mui cemmi chan ah kan um. Cu chan cu kanmah chan he aa tong ve.

Inn le lo zamtak in Yangon a rak phan i mi dum, mi lo ah tar nu tar pa, nu le ngakchia rual he an um ka hmuh tikah, an ca i a herh cemmi le a har cemmi innhmun zalhpiak hi, ๐—ž๐—ฎ ๐—น๐˜‚๐—ป๐—ด๐˜๐—ต๐—น๐—ถ๐˜๐˜‚๐—บ ๐—น๐—ฒ ๐—ธ๐—ฎ ๐˜๐—ต๐—น๐—ฎ๐—ฐ๐—ฎ๐—บ๐—ป๐—ฎ๐—ธ a rak si zungzal. A bik in zumhnak ah a der rihmi kan miphun hawi hna ka zoh hna tikah miphun le biaknak in an kan tlautak sual lai ti hi ka phan cemmi pakhat hi a si.

Kan miphun hi million pakhat kan tlin khawh nakhnga nau ngeih tam kan hau bantukin a um ciami kan tlau lo naklai biatak tein kan i ven a hau ko. Tutan kan miphun nih a tonmi harsatnak le muihnak ah hin, kan chan he aa ton ve bantukin, ngeih le chiah zeizong vialte zamtak in a rak phanmi miphun hna caah,

Hringtu ka pa Bishop CK No Chhum he innhmun 100 (40×60) pekchanh khawh kan i tim. Hringtu ka pa nih hmun 50 a ka bawmh lai i, kei nih hmun 50 ka chap lai. David nih Bawipa cu kei mah ka ngeihchiah hrim in ka thangแนญhat lai a ti bantukin kanmah ngeihchiah tein kan miphun caah kan pekchanhmi a si lai i,

Inn saknak tu ah bawmh kan halpiak te hna lai. Miphun hawi a harsami hna caah bawmhnak hal hi kan ning a zak hrim lo. A bik in hi harnak i a um ve mi kan fale hna hi, fim thiamnak cawnpiak hna in le foundation tuahpiak hna in kan khua, kan peng le kan miphun caah bochan khawhmi ah kan ser แนญhan hna lai. Kan ngeih ruangah si bak loin, kan miphun tuanbia i kan tonmi a hmui cemmi caan ah, kan miphun he lungfak le ngaihchia in kan tuarแนญinak tu khi a si. Bawipa nih a kan dirpi in a kan bawmh ko lai. Crd – TCP

Rel chap – ย Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum