Ralkap Tampi Hliam An Tuar Hoi

Ralkap tampi hliam an tuar hoi. Bomb a puakcaah ralkap tampi an hliam hma tiah thei a si. Mandalay, Kandaw Gyi top 85th street traffic junction ah nazi 5pm ah khan bomb a puak caah ralkap tampi an thi i hliam a tuar mi zong an tampi tiah khua mi pakhat nih a chim. Hi bomb a puaknak ah hin ralkap pahnih an thi tiah ka thei i a dang tu cu ka thei lo tiah Mandalay i phungki pakhat nih a chim.

Relchap Thantlang Khuami Cheukhat Ralzam Dirhmun An Phan. Lung a fak ko mu! Mi ramdang nih vantawng in an thancho lioah kannih vial ralzam dirhmun kan phan ai. Thantlang khuapi cu a chung ummi hna nih a chuahtak thluamah ko. Thantlang Placement Affairs Committe nih an Page ah hitihin an tial. Thantlang khuapi cu van chuah tak tluahmah si ko cang. Mah nih inntung dirh lo nak hmun ah tlikzam.

Himnak hmun kawl cio kan si. Hi ralzam tawkrelnak caah tiin Thantlang Placement Affairs Committe nih thialkamnak in siseh, umtu-thuttonak in siseh tawlrel cuahmah an si. Ralzam cazin zong tawl rel cuahmah a si a rauhhlan ah hi kan page in van langhter kan i zuam lai. Ralzam hna caah ei-din, tirawl bawmhhau in kan um ko.  Ramchung ramleng unau, nu le pa hna nan hnakkar van kan tenh ko uh law” tiin.

Thantlang Placement Affairs Committe Pehtlehnak – Chat box/09423935703. Ralhrang phu hna nih an tlaih mi Hakha sizung uk hlun Dr.Mang Biak Kung cu nihin chunhnu suimilam 4:30 ah an thlah than. September 9, ni ah ralhrang nih a umnak inn ah an tlaih mi Hakha sizung pi sizung uk hlun Dr.Mang Biak Kung cu nihin September 11, chunhnu suimilam 4:30 hawng ah an thlah than cang tiah theih a si.

Crd – TCP