Ralkap pawl caah cun afak taktak PDF thil tuah mi hmuh ah lung ahmui tuk Ralkap bawi he akut tang hna he an tleih hna i

Training kainak in a rak tlung mi SAC ralhrang bawi telh in minung 8 cu lampi ah PDF nih an rak tlaih hna tiah theih a si.
Mon ramkulh Ye khuapi peng ah SAC ralhrang minung 8 hna cu nizaan tihni Zing 3 ni ah PDF nih an rak tlaih hna. An tlaih mi hna 8 lak ahhin ral bawi pakhat ai tel, an dihlak in training an va kainak in an tlun lei ah an rak tlaih hna hi a si.

 

“Hi hna hi tlaih an si ko, asinain a tlai tu hi kan mah kan si lo, thil sining fiang deuh in ka hlat ve lio ko” tiah Ye khuapi peng ah a cawlcang mi PDF ralkap pakhat nih a chim.

 

SAC ralhrang nih Vanlawng in an kah mi bomb Bangladesh ram chungah a thla SAC ralhrang nih Vanlawng 5 in an camp hlun pakhat cu heh tiah an va kah nak ah Bomb an kah mi kuan Bangladesh ram ah a tla tiah theih a si.

Hniang 31 ni ah AA nih Bangladesh ramri ah a um mi SAC ralhrang camp cu an kah i an tei hna. Cu camp cu SAC ralhrang nih chuh tthan an duh hna caah Vanlawng in heh tiah tuchun ah an va kah tthan. Cu ti an kah hna ruangah ramri um mi a si bantuk in Bangladesh ram ah an bomb kuan 2 a tla tiah Bangladesh media pakhat nih a langhter.

Zing sml 9:30am hrawng ah raltuknak vanlawng 2 nih an rak kah mi bomb cu voi hnih bak ram chung Ghumdhum district ah a tla tiah an langhter HI bantuk in an ram ah SAC ralhrang meithal kuan a tla ko nain a cozah leiin zei bia hmanh an chim mi theih ding a um rih lo.Source: Bangla Times