Ralkap Nih Ngakchia Kum 10 Mi An That

Nawlngeihnak latu ralkap pawl nih sualnak ngeilo khuachung ngakchia kum 10 mi an that ti DVB thawngthanhnak ah an tarlang. September 14 chun ah ralkap pawl cu Magway Division, Myaing ramchung ah mi tlaih ding an kawl i sualnak ngeilo ngakchia kum 10 mi pahnih an that hnu ah kum 19 mi mino pakhat zong an kap that. Khua mi pakhat nih Ralkap pawl nih.

Myaing ramchung, Sanpiah khua an buai hna. Ngakchia kum 10 mi pakhat cu tiva i tak a kolh lio an kah that. Pakhat deuh cu hmun dang ah an thah. Cu hnu ah kum 19 mi zong an kap that a ti. Khua chung mipi pawl zong himnak kawlin ramlak ah an zaam. Rel chap – Sii cawk ah a kal mi Pu Hrin Cung le a hawi Thantlang SAC mithat phu nih an velh hna.

Chin Ramkulh, Zophei Peng, Khuabung khua in Thantlang khuapi chung ah sii cawk ding in a kalmi. Pu Hrin Cung le a hawile hna cu SAC nih an velh hna tiah thawng kan theih. Hi kong he pehtlai in thil um tuning a thei tu pakhat nih, “Khuabung in Thantlang ah sii cawk ding in an kal. Thantlang khuachung an phanh ah SAC nih.

Phone an chek hna an hmuh. Pu Hrin Cung hi a hawile pahnih he an si. An hawi pakhat hi phone chek ding in an dirter lio ah dir loin a zaam i meithal in an kah. Pu Hrin Cung hi an velh hnu ah an thlah than,” tiah The Hakha Post ah a chim. SAC nih atu bantuk in an tuahto hna hnu an hawipa pakhat konglam an thei kho rih lo. Crd – THP