Ralkap Nih Hriam Ngan In An Kah Hna

Kalaymyo Myit tharmyit(မြစ်သာမြစ်) nichuah lei kam ah ummi Uyin(ဥယျာဉ်) khua cu, SAC ralkap nih nihin May 22 ah hriamngan in voi 50 leng an kah. Caan karlak ralzam an i dornak thlam 80 leng zong a kaang, tiah tualchung mi hna sin in theih a si. Uyin khuami pakhat nih” Kyikung Khyaukkhoh(ကျီကုန်း ကျောက်ခုတ်) in a kalmi uico ralkap pawl cu.

Innkyaw(အင်းကျော်) khua ah zan hnih an riak. Nihin May 22 ah Uyin khua lei ah rallam an rak sial. Cu rallam a sialmi ralkap pawl cu ralzam umnak lei ah an rat caah khuami hna cu kan zam dih. A phunphun thlaici kan ngeihmi hna le thil hruk ding angki le tawhrolh cu chim lo kan umnak thlam zong an khangh dih. Kanpale(ကံပုလဲ) khua in hriamngan in an kahmi kuan cu ruah sur in a sur ko,” tiah a chim. SAC ralkap nih hriamngan in an kahmi kuan nih tualchung mi 3 a khen hna caah hliamhma an pu, tiah theih a si.

HtiChait Le Phekhone Peng Kahdohnak Ah SAC Ralkap 24 An Thi. Sagaing ramtthen, HtiChaih peng ah rallam a sial mi SAC ralkap hna an kir lei ah nihin May 22 zinglei ah PDF nih an kah hna i SAC ralkap 20 nak tam an thi tiah Eagle Army – HPDF nih cathanh a chuah.

May 22 zinglei Sml 8:30 ah Eagles Army, Tagung PDF, MGZ PDF, Fox Army, KA PDF hna i bawm in InnDaung ( အင်‌ေဒါင်း)khua in rallam a sialmi SAC ralkp hna cu an bawh hna i an kah hna SAC ralkap 20 an thi i 8 hliam an tuar, SAC ralkap nih a thimi le a hliammi an tam caah an hmuh mi mipi inn hna cu an duah, lei thuannak seh hna le saikal hna zong an duah i an hrawh hna tiah Eagles Army nih cathanh an chuah. Credit – TCP

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum