Ralkap Motor cu an i cit lio ah choi lak in an pah hna i A hmun bak ah pa 2 an thi colh,

Naypitaw khuachun ah Mipakhat nih Ralkap motor kal lio mi a pah hna i ralkap pa 2 a hmun ah an nun nakk a liam i pa 1 thliam a tuar tiah thawng kan theih Aug 4 zan lei sang na zi 5 hrawng ah Naypitaw khuachun i ZaBuTiRih sizung le Si pin zung pawng karlak Laan sung Mi point ah mipakhat nih Ral lo kap Motor kal lio mi cu a pah hna caah Rallokap Motor cu ai let i Minung pa 2 an thi i pa 1 cu hliam a tuar,

 

Mei a mih ruangah Mipoint cu a mit i Ralkap motor kal lio mi cu Mipakhat nih Rallo kap Motor cu fah tuk in a pah sual caah Ralkap nu pakhat cu a kut a ke a man i pa khat hi a tai tang a man i a hmun ah an thi colh pakhat hi Motor cung ah a lu a kuai i. apah tu hna motor cu a zei hmanh a rawh nak zong a um lo tiah thawng kn theih phunglam ning ten Sakhan ah bia an caih hna i A pah tu hna Motor zingmawng lai sen cu phungning ten dan biacaih a si lai tiah kan theih,

 

Relchap, Tedim Ah Kedanh Zuarnak Dawr Ngeitu Le Minung Pathum Tlai An Tong!: Chin Ramkulh, Tedim Khua ah (ralkap bunhmi phun) kedanh zuarnakdawr ngeitu le an dawr thil phortu Shwe Nyi Komawtaw a khaltu, a hnuzultu pakhat le gate hngaktu hna cu SAC ralkap nih an tlaih hna, tiah theih a si.

 

August 3, chun suimilam 12 hrawng ah Kalaymyo, Myothar sang mawtaw gate ah Shwe Nyi Ko mawtaw cung in dawr thil pawl an thumh lio ah SAC ralkap an va phan i, an check hna tik ah songkhoi pathum khat in ralkap bunhmi kedanh tuah 146 an hmuh caah gate hngaktu Ko Ngan Sian Taung, Mawtaw khaltu Ko NyiNyi Aung le Mawtaw zultu Ko Nay Lin Tun hna cu an tlaih hna i an kalpi hna, tiah a pawng um mi pakhat nih a chim.

An tlaihmi Songkhoi ah cun “Mih Bah Zeih Tedim” tiah aa tial caah Tedim khua um mi palik nih dawr ngeitu Zan Khawl Cin cu August ni 3 zaanlei ah an tlaih ve, tiah theih a si. Zan Khawl Cin hi a hlan zong ah ralkap bunh mi le ram kalnak i hman khawh mi kedanh le thilri dang pawl a zuar pengmi a si.

Atu bantuk in kedanh ruang i an tlaih hi khuaruahhar bak a si, tiah Tedim khuami pakhat nih a chim. An tlaih lio ah hin a dawrchung i um mi kedanh songkhoi 7 an tlaih chih tiah theih a si.Nihin tiang thawng kan hlat khawh ning ah cun Kalaymyo i a cangmi a si caah Kalaymyo Palik sakhan lei nawlpeknak ning in an tawlrel lai tiah theih a si. Chin ramkulh chung ah cun loriantuan kan si i ramlak kan kal lengmang caah hi bantuk kedanh hi nu le pa thleidang loin kan i danh cio mi si, tiah khuami pakhat nih cun a chim chap.
Credit;The Chin Post