Ralhrangbu Hna An Rak Chuak Colh Ngam Lo

Yangon Meizung ah bomb an puah. Mei man liam dingin mipi an timi hna nak Yangon, Tin Ka Kyun mei zung le Ta Moi, Shi Pa Ku sii-inn pawng meizung ah tu zaanlei suimilam 3 le 5:40 hrawngah bomb a puak.

Bomb a puah hnu tlawmpal ah ralhrangbu hna an rak ra i, lam an phih, mi an chek cuahmah hna tiah pawngkam ummi hna nih an chim. Meizung chungah ralhrangbu hna zong an um ve buin an chehhnawh mi asi. Minung cu an kheng hna lo.

Ralhrangbu hna zong an rak chuak colh ngam lo. Meiman cu kan liam ti lo, Mei an hrawh duh caah asi men lai tiin a hmun ah a ummi nih an chim. Nizaan ah Yangon mipi ralkap phu nih ralhrangbu tanhtu, motor PK le meizung hna kan target lai tiin

Ralrinnak an thanh tiah theih asi. Relchap – YBS 40 cungah kum 69 nu pakhat a nunnak liam. Yangon ,Insin i YBS 40 cungah kum 69 nu pakhat cu a thutnak ah a nunnak a liam hmuh asi caah a va bawmtu Myanmar Red Cross Society hna nih an chim.

Tuzing suimilam 10 ah YBS 40 cungah nu pakhat a nunnak a liam caah kan theih le cangka in PPE thuam he mawtaw cung kan zohfel tikah thudan cungah a thutnak in a nunnak a liammi asi tiah MRCS penguk Ko Ni Tun nih a chim. A nunnak a liammi hi zohfel lio asi i

Virus asi le si lo le zei zawtnak ruangah a nunnak a liam timi atu ah theih asi rih lo tiah Ko Ni Tun nih a chim. A nunnak a liammi chungkhar nih an chim ningah a nunnak a liammi nu hi zunthum le lung lei dam lo nak a ngei mi asi tiah Ko Ni Tun nih a chim.

Cre – TCP