Ralhrang nih hlei an donh dih i, ralhrang le an motor rual hna Thantlang lei panh in

Timit hleirawk ralhrang nih donh an timhmi kongah kan ralkap hna kha faaktuk in sualphawt colh dih awk a ttha lai lo.
A ruang cu mah kong a thei le hngalbik tucu kan ralkap hna an si ko tikha hei ruah chih biapi ngaingai ve.

 

Ralhrang nih hlei an donh dih i, ralhrang le an motor rual hna Thantlang lei panh in an luh uahmah hnu lawngah kan ralkap hna hi nan va mawhchiat duh hna hmanh sile mawhchiat te ding a si hnga.

 

Timit hlei hi hlei hlun kam in a sau pe 70 le a vaang pe 40 fai in ser an timh tiah theih hmasa bik a rak si.
Nain ralhrang ziaza cu i thleng lelek kaw,hlei hlun remh in ဘေလီတံတား timi ( a hlan lio Timit hlei hlun) phun khan an ser men lai tiah a zummi um a hun si hoi Zeiti phun set in dah hlei donh an timh le an donh timi hun langhter kan i zuam te lai.

 

 

Relchap,India ram, Mizoram ramkulh Aizawl ah tuahmi ramkip zukthai hmuhsaknak (International Art Exhibition) ah Daw Aung San Suu Kyi zukthaimi zong aa tel tiah theih a si.

 

“Love Revolution” tiah min pekmi ramkip zukthai hmuhsaknak cu Aizawl khuachung Milinium centre ah September 21 in honnak an tuah i September 24 tiang an tarlangh lai tiah theih a si.

Cu zuksuaimi hmuhsaknak ah cun Chin miphun simi C.Puaia nih a thaimi cu Myanmar rampi ruahnak petu Daw Aung San Suu Kyi zuk telh in ram 36 nih thaimi zuk hna an langhter tiah theih a si.

 

Ramkip zukthaimi hmuhsaknak cu Lalhmingmawii(Amoii) hruainak in tuah a si i, Mizoram ramkulh ah minthang zukthai thiam Tlangrokhuma, Buta, Lalbiaklara, Rohnuna hna telhchihin India ram zukthai lei saya 72 le ramkip in zukthai saya 50 hna nih thaimi zuk hna cu hmuhsaknak an tuah tiah theih a si.