Ralhrang hna nih A tuhi Timit lei kap lungkhar tlangah hriam ngan voi 5 a puak cang ralring aherh taktak ee

Cun Nihinzing 8:40 am ah rual uu thlanmual kah doh nak ah ralhrang 5 hell ram ah kan ralkap nih an kuat hna Credit;salai william HC,

 

Relchap,Magway ramthen, Gangaw peng Min khua sianginn cachimtu dalan sayamah pahnih cu, CDF-KKG Battlion-5 Gangaw Region nih kan thah hna, tiah nihin August 18 ah cathanh an chuah,Sianginn cachimtu nu pakhat cu siangniamrun chimtu Myint Myint San le tuition sayamah Ya Min Aye an si, tiah theih a si.

 

“Kan lung cu a tha hrimhrim lo. Pakhat hi ca a rak kan chim balmi a si. Dalan a si i, fimhlawm lo awk a that lo caah kan fimhlawmnak a si,” tiah CDF- KKG chungtel pakhat nih a chim. Cachimtu pahnih nih kan cawlcangh ning vialte cu SAC ralkap an chimh lengmang hna caah kan thah hna hi a si, tiah a chim chap.

“Message in kan kuat tawn ko hna, phone zong in kan chawnh lengmang ko hna. Pumpak zong in atu le atu kan va ton ko hna Sihmanh sehlaw an ngai duh lo, an thah mi hna tu cu fiang tein kan thei lo,” tiah tualchung mi pakhat nih a chim.Gangaw peng nichuahlei ah dalan an si, tiah an timi hna zung rianrtuantu hi an tampi rih. An min le an umnak dik thliar tein kan hngal kho rih hna lo, tiah a chim chap. SAC nih uknak an laak hnu in dalan tiah ruahmi an thahmi hna le SAC ralkap nih a ruang um loin an thahmi hna fonh ah a thong leng an si cang.

Relchap,Myanmar ralkap tuahsernak ruangah Bangladeah ah a zaam mi Rohingya pawl cu Bangladesh Prime Minister Sheikh Hasina nih Myanmar ram ah an kir than a hau, tiah UN nuhrin covo Commissioner Michelle Bachelet a chimh. Michelle Bachelet cu a luancia August 14 ah khan Bangladesh a phan i, Myanmar ramri Rohingya pawl umnak zong a va phan, tiah theih a si,Rohingya ralzam hna cu Myanmar rammi an si i, an umnak hmun ah kan kuat than hna lai, tiah Bangladesh Prime Minister Sheikh Hasina nih cun a chim.

Myanmar ralkap pawl nih hmunhma thianhhlimnak an rak tuah kum 2017 lio ah Rohingya minung 700,000 leng cu ramri an tan i, Bangladesh ram ah an rak zaam. Atu lio dirhmun ah cun Rohingya hna hi an umnak hmunram ah kuat than ding cun a si kho rih lo, tiah Michelle Bachelet nih thawnglatu pawl cu a chimh hna,August thla hram thawk ah Tuluk ramleng palai Bangladesh a tlawn lio ah, Bangladesh nih Rohingya hna cu an umnak hmun i an kir khawh than nakhnga Tuluk cu bawmh a rak hal, tiah theih a si.
Credit;The Chin Post