Ralbawi Pakhat Thah Asi

Magway ramṭhen, Myaing peng Letyamasanpiah(လက်ယက်မစံပြ) khua a khangtu SAC ralkap pawl cu, PDF nih May 15 zanlei sml 4:00 hrawng ah Kyikan khua nichuah lei ah hriamngan in an kah hna caah SAC ralkap 7 an thi, tiah theih a si.

Cu kahdohnak ah Naga Ni(နဂါးနီ) phu nih an hruai hna. Myaing PDF, Myaing Village Revolution Front (MVRF)၊ Earthquake People Defense Force ၊ PKU North PDF၊ YSO North PDF၊ YSO Southern PDF le a dang hriamtlai phu nga nih kan kah hna, tiah Myaing PDF nih cathanh an chuah.

Salin peng ah rallam a sialmi SAC ralkap pawl cu May 13 chun hnu sml 2:40 hrawng ah Salin-PDF nih an kah hna caah SAC ralkap 3 an thi, tiah theih a si.

SAC ralkap pawl cu zanlei ah rallam an sial ṭhan i Salin-PDF nih bomb lung 2 in kan puahhnawh hna i, a thimi le aa hliammi an um ko nain fiang in kan hngal kho lo, tiah Salin-PDF nih an thanh.

Sagaing ramṭhen, Khin U peng Mindaung(မြင်းဒေါင်း) khua in a hnulei YeOo khua ah Cycle 20 hrawng in a kalmi SAC ralkap pawl cu, Khin U Support Organization-KSO nih May 15 zanlei sml 5:20 hrawng ah bomb lung 3 in an puahhnawh hna i SAC ralkap 8 an thi, tiah theih a si.

An cycle 10 a rawk i ralkap 8 an thi. 12 cu fak ngai in an i hliam. Hi kahdohnak hi KSO pengkomh Battalion 3 nih an kahmi hna a si.

Shan ramkulh, Phekhung lei ah rallam a sialmi SAC ralkap le PNO cu May 13 ah Battalion 1008, Phekhung PDF Battalion 2, Innlay PDF, thiamhlei ralkap phu, Battalion 1005, KNDF le tualchung PDF nih an kah hna. May 14 ah Battalion 1008 le Innlay PDF nih bomb an puah ṭhan hna i SAC ralkap 4 an thi, tiah theih a si.

May 15 zing sml 8:00 hrawng ah kahdohnak a chuak ṭhan i PDF 1008 Battalion in camp uktu a thi. 2 an i hliam i meithal zun hnih an laak. SAC ralkap lei in major pakhat telh in 4 an thi ve. SAC ralkap a thimi le aa hliammi an tam caah Jet Fighter 2 le Helicopter nih a bawmh hna, tiah theih a si. Credit – TCP

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum