Ralbawi Fanu Cu Ralkap Pawl Nih An Kah That

Ralbawi Fanu Cu Ralkap Pawl Nih An Kah That. Amah hi lampi ah an thah tiah thei a si. SAC ralhrang Ralbawi (Colonel) pakhat Ko Ko timi i fanu cu an mah ralhrang lila nih an theih palh ruang ah an kah that tiah theih a si. Ralbawi fanu Lamin Sandar timi nute hi Night Club ah a va kal i zanṭim hnupi ah motor in a tin. Cu caah lampi i khuapi lampi

kilvengtu ralhrang pawl nih an rak derter i a derter duh lo ruangah meithal in an kap i a thi, tiah amah he a nai cemmi a hawi nih Facebook ah a tarlang. Hi a cangmi hi September 18 zan i a si i ralbawi Ko Ko fanu Lamin Sandar cu Night Club in zanṭim i a tlunlei lampi ah kahthah a si. Amah hi Yangon Yankin Covid-19 center ah volunteer in rian a ṭuan lio a si tiah

PDF lei in an tial. Rel chap – Hakha le Thantlang ca ah lehrul kan cham; Ralhraang pahnih an thi tiah CDF-Mindat nih an thanh. 2021 September 18 ah Council Ralhraang pawl nih Hakha le Thantlang khua chung ah hriamnam a hme he a ngan he, ningcang lo in an kah ca ah sualnak ngei lo khuami an thi, hma an pu.

Rammi hna inn an kaang i sungh zatlaknak tampi an tuar. Cu an tuahsernak ca i lehrul chamnak ah CDF-Mindat nih September 19 ah Mindat khua chung kahdohnak kan tuah i Council ralhraang lei in pahnih an thi, hma faakpi a pu mi an um, tiah an thanh. Crd – THP