Raise Zawtnak(Monkeypox) Ngeimi Pakhat An Hmuh

Germany ram ah raise zawtnak(Monkeypox) a ngei mi pakhat cu a voikhatnak bik ah kan hmuh, tiah Ministry Of Health, Germany nih nihin May 20 ah an thanh. Germany ram cu Africa telh loin, raise zawtnak a ngei mi 11 nak ram a si, tiah theih a si. Atu tiang ah raise zawtnak a phan, tiah an fehter mi ram hna cu- Australia, Belgium, Canada, France, Italy, Portugal, Spain, Sewdin, British, US le Germany ram hna an si.

Monkeypox cu zawtnak hrik lawng si loin pum chung ah a bo mi tete a um tertu virus phunkhat zong a si. Monkeypox zawtnak cu Africa ram lawng ah a ummi a rak si ko nain, atu cun vawleicung ramdang 11 ah a phan cang, tiah theih a si. Relchap:  Depyeyin Peng Inn Kang Lak Ah Miruak 40 An Char! + Thawngpang Dang

Sagaing ramṭhen, Depyeyin peng, Tayetdaw khua SAC ralkap nih an duah mi inn kang lak ah Mithi ruak 40 char a si, tiah Ye-Oo PDF nih an chim. May 19 zaanlei sml 5:00 hrawng ah Ye-Oo pengkomh, Depyeyin peng nichuahlei ah rallam sial mi SAC ralkap le ShweBo PDF, YeeOo PDF, Depyeyin PDF hna cu Depyeyin peng Tayetdaw khua pawng ah an i kap i, cu an i kah hnu ah Tayetdaw khua cu SAC ralkap nih an khangh.

“Kahdohnak cu suimilam pakhat chung hrawng a rau, Bomb kan hmanhnak hmun an phanh bak ah bomb kan puah, Cu hnu ah kaphnih kahdohnak cu a chuak i SAC ralkap a thi mi an tam, Kannih lei kan him, SAC ralkap kah mi hriamngan zong Pawngtha khua ralzam camp ah a tla i minung 11 hliam an tuar, a hmun ah a thi mi zong an um,” tiah tualchung ralkap pakhat nih Democracy Voice of Burmese (DVB) ah a chim.

“Kahdohnak ah a thi mi an ralkap pawl cu SAC ralkap nih Tayetdaw khua inn an khangh pah ah innchung ah an khangh chih hna, An kal hnu in hmunhma zohfelnak kan tuah lio ah a rawk rih lo mi ruak 21 kan hmuh, Minung ruak an si ko lai tiah kan fehter khawh rih lo mi he cun ruak 40 hrawng a si. Ruak 21 kan hmuh mi hna cu Sa em bantuk in an i em i an hmin dih, SAC ralkap nih an hman mi Caih( Rawl kennak), tidur, Ralkap taisawm le an seal pawl an ruak lak ah kan hmuh caah SAC ralkap ruak an si ko,” tiah a chim chap.

Yuangan Peng Ah Pyusawhti Hruaitu 2 SAC Ralkap Nih An Kahthah Hna: Shan ram chaklei Yuangan peng Minpalawng khua ah pyusawhti hruaitu 2 cu SAC ralkap nih an kahthah hna, tiah tualchung mi nih an chim. Kahthah a tong mi hna cu pyusawhti hruaitu U Kyaw Thein le U Khin Maung Thein an si i, a luancia May 15 ah kahthah an rak si.

“Kahthah a tong mi pahnih hna cu SAC ralkap vengtu an si i, rian fialmi an tlamtlinh khawh lo caah thah an tonnak hi a si,” tiah min langhter lo tualchung mi pakhat nih a chim. SAC ralkap hna nih Yuangan pengchung ah minung thazaang chap in khuachung inn hna cu an luhhnawh i, an thilri an chekhlat piak dih hna lengah May 15 ah Nabangyi(နဘန်းကြီး) khua inn 3 le May 16 ah Laykai(လယ်ကိုင်း) khua inn khat cu an khangh piak hna.Credit – The Chin Post

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum