R I P: College Kai Lio Tlangval No Le Mifel Taktak Nih Ram Le Miphun Ca’h Nunnak A Pek Than E

A hawikom he caan saupi pehtlai kho loin a um mi Ko Moe Thein cu tuchun ah khan a ruak in an char tiah thawngpang theih asi e. Mandalay ramthen, MikTaya pengkulh chung i May 24 lio ah khan Kawl ralhrang le PDF cu fak ngaiin kahdohnak a rak chuak. Nikhat ah voi-4 bak kahdohnak a rak chuak i kawl ralhrang lei nih hriamngan phuntling in an rak kahdoh hna.

Cu kahdohnak ah cun Mandalay-PDF in Ko Moe Thein cu a rak tlau i a a hawikom pawl nih an rak pehtlai kho ti lo. Ni zeimawzat chung a thawngpang le sining thei kho loin an um hnuah Ko Moe Thein cu tuchun ah khan a ruak in kan char tiah Mandalay PDF nih cun thawngthanh nak an hun tuah hi asi. Ko Moe Thein hi Mandalay University ah sianginn a kai lio mi zong asi i PDF chungtel asi nak zong ah hin bochan bik mi le zumh awktlak bik asi tiah an ruah mi Pasaltha pakhat asi.

Ko Moe Thein nih ram le miphun caah biakam nak a rak tuah bantuk tein a nunnak tiang pek in miphun le ram a kilven nak ruangah PDF-Mandalay nih cun kan lungthin dihlak in upat nak kan in pek tiah an langhter. Ngaihchiatnak a tong mi Ko Moe Thein chungkhar hna le a riantuan hawi PDF vialte Bawipa tu nih hnem hram ko hna seh mu. Credit – Laiholhtlangau

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum