R I P: CDM Police Salai Lal Bak Thang Cu An Innchung Lila Ah A Ruak In An Char E

Lungthin fah le ngaihchiat hi tuar khawh asi hrimhrim ti lo mu, nunnak ruah ah Mizoram a rak zaam mi Salai Lal Biak Thang cu an innchung lila ah a ruak in an char tiah thawngtheih asi. Chin ramkulh, Falam peng chung i Myanmar Police rian a rak tuan mi Salai Lal Biak Thang (kum 28) cu tuchun May 30, chun suimila 12 hrawng ah khan an innchung lila ah a ruak in an char hi asi.

CDM police asi mi Salai Lal Biak Thang hi 2021, March 4 ah khan Police asinak in CDM ah a lut mi asi i India ram, Mizoram State, Champhai khuapi ah inn an hlang i an chungkhar in an um hna tiah theih asi. Salai Lal Biak Thang a thihnak kong he pehtlai in a ruang theih mi zeihmanh a um rih lo, asinain a hawikom nih an chim ning ah cun tuzing ah khan Salai Lal Biak Thang hi a luak lio kan hmuh tiah an chim ve.

Salai Lal Biak Thang ruak cu thaizing May 31 ah khan vui asi te lai tiah thawngtheih asi. Ngaihchiat nak a tong mi chungkhar hna Bawipa nih hnemhram ko hna seh mu. Kanram thatlo ruangah le nunhar ruangah Chin miphun hna cu kan ruak te hmanh hi kan chuahsemnak khua le ram ah kan i vui kho ti hna lo. Zei caan ko dah hi tin kan tuar rih lai ti ruah ah hin lungthin a fak tuk hringhran ko mu. Credit – Lhtz

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum