Pu Ngun Sang Aung Cu SAC Nih A Rian In An Dinhter! A Aiawh Ah Dr Vung Suan Thang An Chiah

Pu Ngun Sang Aung Cu SAC Nih A Rian In An Dinhter! A Aiawh Ah Dr Vung Suan Thang An Chiah!February 1, 2021 in SAC ralkap nih uknak an laak hnu in SAC cozah nih Chin ramkulh Chief Minister rian an khinh mi Pu Ngun San Aung cu kum khat le cheu Chin ramkulh Chief Minister rian a tuan hnu ah SAC nih a rian in an dinhter.

 

Pu Ngun Sang Aung rian chaangtu ding ah hin Psychiatrist (Lungthin lei zohkhenhtu sibawi) pakhat si mi le USDP palai hlun Lt. Col. Dr. Vung Suan Thang cu nihin Aug 19 ah SAC nih Chin ramkulh chief minister rian an khinh, tiah theih a si,Dr. Vung Suan Thang cu Psychiatrist( lungthin lei zohkhenhtu) sibawi a si bantuk in mizaw thlopbulnak ah a zia tha ngai mi si,

 

Relchap,Chin ramkulh, Paletwa khuami nih thil phorhnak ah an hmanmi Kyauktaw-Paletwa ti lam cu nizaan August 18 in SAC ralkap nih hmannak nawl an kan pek cang, tiah Paletwa khuami nih an chim. SAC ralkap hna nih August 1 in Kyauktaw-Paletwa ti lam cu an rak phih i, atu ah cun SAC ralkap nih hon than cang nain, eidin le thilri phorhnak nawl an kham rih, tiah theih a si.

 

Paletwa khuami pakhat nih cun, “Nizaan ah Kyauktaw in tilawng pakhat a rak phan i, thaizing a kir lai tiah kan theih. Cu tilawng nih cun eidin phor loin, minung a phorh hna. Cu ruangah ti lam cu kan onh piak hna hmanhseh law eidin phorhnak nawl an kan pek lo ah caah cu hlan bantuk in eidin kan cat thiam ko,” tiah a chim.

Paletwa eidin luhnak ti lam cu rak phihkham a si caah facang tun khat ah kyats sing khat le datsi litre khat ah kyats 7500 a phan, tiah theih a si. Paletwa khuachung cu hmun hnih ah then in, aa chang in nihnih dan ah suimilam 7 chung mei kan ngei tawn nain, atu ah cun nihnih dan ah suimilam 3 chung lawng mei kan ngei cang, tiah khuami nih an chim.
Credit;The Chin Post