Pu La Ma Di cu khua ah a rak tlun bak a si ve. Ruah lo in an i ton caah a zaam ralhrang nih

Kachin ram Myitkyina khaupi pengah khuami pakhat cu SAC ralhrang nih an tlaih i a nun buin amah thing lila in an khangh tiah khuami hna nih an chim.

 

Myitkyina khuapi peng Aa Lam khua ah SAC ralhrang minung 100 hrawng an lut. Cu lio ah kum 30 hrawng pa pakhat Pu La Ma Di cu khua ah a rak tlun bak a si ve. Ruah lo in an i ton caah a zaam. Ralhrang nih cun zaam hlah an ti pah buin an kah caah an khen i an tlaih. A inn ah an kalpi hnu ah tih thing ai chiah mi cun an khangh colh ko tiah khuami pakhat nih a chim.

 

A Lam khua ahhin mawtaw pakhat nih Cycle a pah hna i a zaam tak hna. Asinain khua mi hna nih an dawi i mawtaw khaltu pa cu an va tlaih. Cu thil a can hnu in SAC ralhrang pawl khua ah mawtaw 2 in an rak luh nak hi a si.

 

Mawtaw khaltu pa hi ralhrang bawi chungkhat si seh law a lo ngai. Cu thil cang mi kong he pehtlaiin heh tiah khua upa te cu an hal hna tiah khuami pakhat nih cun a chim,Ralhrang he ai pehtlai mi a si lo ahcun hi bantuk in a hnuzul thil a cannak ding a chan a um lo tiah an chim chap.

 

 

Matupi khuapawng hrawngah hriamngan le hriamhme puahthawng a thang Chin ramkulh, Matupi Laymyo tiva leiah nihin September 19, zaanlei suimilam 4:30 in hriamngan voi khat puahthawng le hriamhme puahthawng kan theih tiah khuachung ummi hna nih an chim.

 

” Meithal thawng cu voi tamngai kan theih, suimilam cheu tluk hrawng a si cang” tiah khuachung ummi pakhat nih zaanlei suimilam 5:00 ah a chim.