Pitar Pakhat Cu A Fanu Le A Pasal nih Lam Kap Ah An Hlonh

Myanmar, Mawlamyine chung, Waw khuate i um pitar kum 85 mi Daw Khin Kyaing cu a fanu le a pasal nih an cawm duh ti lo ruangah lam kap ah an va hlonh. Daw Khin Kyaing hi fanu 5 angei i a luancia kum 3 ah khan a pasal nih a thi tak. Daw Khin Kyaing hlontu cu a fanu upabik le a pasal an si. A fanu dang pawl cu hmun dangdang ah rianṭuan dingin.

An chuak cio i an thi maw, an nung ti hmanh an thei ti lo. A fanu nautabik hi Thailand ramah rianṭuan dingin a kal ti lawng an thei i tuni tiang a thuhla an thei ti lo. A fanu upabik le a pasal nih pitar Daw Khin Kyaing cu an umpi i an hmurem kho lo i  an sik peng. An sik lawng hmanh si loin inn in voi tampi an dawi cang i dornak hmun a ngei lo caah lung rethei in.

An sin ah cun a um peng ko. Cuti cun a fanu le a pasal nih an rem lo tuk caah a fanu nih Ka naunu ara tlung i aumnak ah hruai an timh tin Mawlamyine bus dirnak hmun ah an kal pi. Daw Khin Kyaing nih thilumzia kha a theithiam caah ka fekal duh lo nain an kalpi thiam thiam. Pitar nu nih cun hmundang ah ka kal ter hlah u. Nan timtuahnak vial te ka thei dih tiah.

A ti hna. Keimah lawng cun ka buai tuk lai. Mawlamyine pitar putar umnak inn ah ka chiah deuh u a ti nain lam kap ah an chiah i an kaltak. Khuadai lakah aum i a paw tam tuk caah a ṭap i kiangkap um hna nih an zangfak tuk i ei le in ding an cawk piak. A fanu le cu an kawl piak nain an hmu lo caah an lak. Tucu pitar hnangamte mi bawmtu hna sin ah a um cang.