Phaisa Ka Charmi An Hlam Ti Lo Caah Ka Duhnak Poah Ah Ka Hman Cang Lai

PHAISA TLAU KA CHAR. Phaisa a thlaumi nan um ahcun nan thlaunak a hmun hrawng le a zat rak ka chim ulaw, ka sinah rak hlam u, tiah thawng ka zamh. A tu cu thla hnih (2) a rau cang. A ho hmanh nih an rak hlam lo. A zat ka chim cang lai i keimah nih ka duhnak poh ah ka hman cang lai. Rs. 300,000 a si.

Keimah caah hman cu ka sia a rem deuh lo caah, Motherless Home-ah ka va pek hna. Maw ka thin, cu ngai mual phoh fah cu; phaisa a lem/a deu lawngte a rak si ai! San a tlai ne lo, a muisam dawhpi lawng a si ko hme cu. Phaisa lem/deu hi cu Cozah (Government) he pehtlaihnak a ngei lomi a si. Cozah nih a hngalh lomi a si.

Muidawh le pumrua tha, mifim le mithiam, mirum le thil ti kho kan si ko zongah Khrih he ai pehtlai lomi kan si ahcun minung lem/deu kan si ko. Minung lem nihcun Khrih dawtnak a ngei ve lo. An i dawh ngai zongah a lem/deu an si. A tu lio kan vawlei le kan Myanmar ram a buai tuk lio caanah,

Mi tampi tihal le rawltam in umnak hmanh ngei loin an vak an vai. Hi lio caan ah milem/deu cu dai tein a um ko lai. Khrih dawtnak a ngeimi le Khrih he ai pehtlaimi cu a si khawh tawkin san a tlai. Phaisa fangkhat/ fanghra/ zakhat bantuk in a si khawh tawk in ai hmang ko. Saya Tlir Lian Thang

 

.