Pensen a la cang mi a si na in mipi hna cung ah thiltha lo taktak hna tuahdingin forhfial tu

Uknak chut tu ralbawi hna he ai naihniam mi ralbawi thing Bochuk Ung Tun cu khuapi chung Comando phu nih a inn ah luhhnawh in nihin september 24 chunhnu ah kahthah a si nak Inya Urban Force nih cathanh an chuah.

 

A um nak Hlaing myo-ne No(12) sang ah luhhnawh a si i a chungkhar hna zong hmuh an si na in amah pakhatlawng an kahthah tiah theih a si.

 

“Pensen a la cang mi a si na in mipi hna cung ah thiltha lo taktak hna tuahdingin forhfial tu / Uknak chutding in ruahnak cheutu SAC khuachia hna he i bawm in hlawknak a hmu tu/ dolet tu ralkap hna cung ah hranghro ngai i tuahtuan ding in a fial tu heiti bantuk mi hna cu tlahtlam an si lai lo ,hi hnu zong ah Mission rian cu pehtlai in kan tuah lai” tiah an thanh.

 

Relchap,Magway ramthen, Htilin peng Kantha(ကံသာ) khua cu SAC ralkap nih an khangh caah inn 11 a ciam, tiah tualchung mi hna sinin theih a si.

 

SAC ralkap cu September 22 zaanlei ah Kantha khua ah rallam an sial i, nizaan September 23 zinglei ah an khangh. Khuami inn zong an bauh hna i, thilri a mansungmi zong an firpiak hna, tiah Yaw PDF ralkap pakhat nih a chim.

 

SAC ralkap nih Kantha khua an khangh dihin khuami hna cu PDF he pehtlaih lo dingin tlerhnak ca an tialhnawh hna, tiah YDF Brigadier Takhin Zaw nih a chim.

 

Htilin peng ah SAC ralkap nih rallam an sial caah tualchung mi hna cu a himnak hmun ah an zam cio hna. Kahdohnak hi zeitik caan paoh ah a chuak khomi a si i, ralring tein um ding in Yaw PDF nih an thanh.