PDF Zuamcawhtu Pyusawhti Cu PDF Nih An Thah

Shan Ramkulh Ah PDF Zuamcawhtu Pyusawhti Cu PDF Nih An Thah!: Shan ramkulh thlanglei Pintayiahpeng Maiinn khua ummi pyusawhti phu chungtel pakhat U Soe Hlah cu Cho Phyo pah-kah-phah phu JPGF nih July 26, zinglei suimlam 6:30 hrawng ah lakphakti dawr ah kan fimhlawm, tiah an thanh.

SAC ralkap lei tang in PDF zuamcawhnak a tuah lengah, khuami hna cu phung ning lo in a tlaihter hna i, a dik lomi thawng a thanh tawn caah kan fimhlawm. Meithal in voi 8 hrawng kan kah i kan kahnak hmun ah a thi colh, tiah JPGF chungtel nih an chim. U Soe Hlah cu amah pumpak in pistol pakhat thlaihnak

Magway ramtțhen, Yesagyo peng Kyaukhlekhakhua pawng Government Tecnological college (GTC) ah umhmun a khuar mi SAC ralkap check gate pakhat cu July 27 chun Sml 2:00 tluk ah tualchung PDF hna nih cycle ah bomb kan hmanh i kan puah hnawh hna ralkapb 3 an thi tiah Yesayo Revolution Group-YRG sin in theih a si.

Tualchung PDF hna cu SAC ralkap check gate yard 100 aa hlatnak in bomb(mine) an hmanh mi cycle an dir ter i minutes 35 tluk a rauh hnu ah khin palek pakhat a ra i gate chung ah a kal mi. Tool box a hun tik ah a puah hnawh i a. thi colh. Cun a dang ralkap 2 siizung ah an thi tiah theih a si.Cu dohnak cu Yesagyo Revolution Group-YRG, Urban Underground Revolution Force-UURF, Shwe Nyar Myae-PDF le Zarmani Blood Guerilla Army-Myaing i bawm in an tuah mi a si tiah theih a si.

 

Relchap,Khin Oo Peng Ah Hliamtuarmi Ngakchia Pakhat Le Amah Bawmtu Cu SAC Ralkap Nih An Thah Hna!: Sagaing ramthen, Khin Oo peng Myindaung khua ah tang sarih a cawnglio mi ngakchia pa pakhat le midang pakhat amah bawmtu pa cu July 26 zinglei ah SAC ralkap nih an thah hna, tiah tualchung mi nih an chim.Kum 13 tluk si mi Maung Khant Khant Ngein cu ralzaam dirhmun an umnak in, inn lei i a kir lio ah SAC ralkap nih an kah i hliamhma a tuar. Sii-ai i thlop ding in hmun dang i an kal lio ah motor khaltu U Htay, kum 52 he an pahnih in SAC ralkap nih an thah hna, tiah tualchung mi nih an chim.

“Ral an zaamnak hmun in khuachung i a kir lio ah Maung Khant Khant Ngein cu an kah i, a hliamhma thlop ding ah a kalpitu U Htay he Myindaungkhua pawng ah SAC ralkap nih an tlaih hna, an kut hnulei hritem buin an thah hna lengah motor, phone le phaisa zong an an i kalpi,” tiah khuami nih an chim.Myindaung khua cu inn 200 le milu 1000 hrawng umnak khua a si i, a luancia thla thum hrawng in SAC ralkap nih umhmun an rak khuar caah khua mi hna cu a naihnak khua ah an zaam hna, tiah theih a si.

Credit;The Chin Post