PDF Sakhan Helicopter (6) in an Kah

R.I.P: PDF Sakhan Helicopter (6) in an Kah, PDF Nusaltha (2) nih nunnak an pek e. M K-PDF Sakhaan cu Ralhrang Helicopter 6 Nih An Kah Caah PDF lei in Ralkap Nu Pahnih Nunnak A Liam tiah thawngpang theih than a si e. Sagaing ramthen, Myinkin pengchung mipi veng ralkap PDF umnak sakhaan pakhat cu ralhrang helicopter 6 nih a kah caah PDF nusal 2 nunnak a liam tiah theih a si. Ralhrang pawl nih Mi35 pahnih le a dang Helicopter 4 in PDF hna cu a cungin an kah hna hi a si.

Zanlei sangah Kalaywah lei PDF nih an rak bawmh hna caah kahdoh nak a chuak tthan tiah theih a si. PDF-Myinkin lei in nu pahnih nunnak a liam ii Kalaywah lei in pasal 4 nih hliamhma an tuar tiah theih a si. Cun a luancia April 25 lio zongah, ralhrang nih Myinkin peng chung inn 270 leng an khangh piak cang hna tiah theih a si. Relchap: Kan Tei Dengmang Cang Tiah Kan Hruaitu Hna Nih Kan Dehhleng Ti Hlah Uh

Kan hnu lei ah Dr Sasa nih kan dothlennak kong an hal i kan tei dengmang cang tiah ngamh taktak in a chim. A video bak in zoh khawh a si. Mipi nih hitluk chung sivang in kan tuar le kan um lio ah kan tei chom lai a rau lai lo tiah nan kan ti peng. Dr. Lian Hmung Sakhong nihcun kan tei ding hi a hohmanh nih kan theih kho cio lo tiah fiang lawlaw in a chim. Mipi nih kan mifim pawl bia poh kan i zumh dih caah kan buai a zual chin.

Raltuknak kong le Uknak trlamtling tein mipi kut a phak lai hi a hohmanh nih theih a si lo i, a fiang tuk mi pakhat cu a caan a rau rih ko lai tihi kei cu ka zumh bik ko. Zeizong vialte mipi kut a lut tik khi cu a tlai ko lai. Kan mifim le a kan hruaitu nih mipi hi biadik kan chim ulaw cu nihcun thazaang a kan pek deuh hnga. Crd.. Liante. Credit – AC

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum