PDF pasalttha pahnih hna hi hmunram van ngiat awk ah a kal mi hna cu khua i a um mi SAC ralhrang hna nih

Sagaing ramtthen Myaung khuapi peng kahdohnak ah PDF pasalttha pakhat nih ram le miphun caah a nunnak a pek tiah theih a si.
Tuchun Zing 2 ni chun sml 12:30pm hrawng ah Myaung khuapi peng Myit thar khua pawng ah SAC ralhrang hna le PDF pasalttha minung 2 karlak ah hmaitonh kahdohnak a chuak. Cu kahdohnak ahcun PDF pasalttha Pu Thant Sin (kum 40) mi a nunnak a liam i a hawipa Hein Min Htet tu cu a liang ah kuan nih a khen ve caah hliamhma a tuar tiah MBTT phu nih an langhter.

 

PDF pasalttha pahnih hna hi hmunram van ngiat awk ah a kal mi hna cu khua i a um mi SAC ralhrang hna nih an kulh hna i an rak kah hna caah kaphnih karlak kahdohnak a chuah hi a si. SAC ralhrang lei in minung 2 an thi ve tiah an langhter A nunnak a liam mi Pu Thant Sin hi a liamcia kum 10 hrawng ah ralkap a rak ttuan bal mi a si. Tutan dothlennak ah mizapi lei ah ttang in ralttha tak in SAC ralhrang a do tu a si.Credit;Suimilam Net.

 

 

Relchap,Myanmar le India ramri ah a um mi khua pakhat ah SAC ralhrang pawl nih heh tiah Vanlawng in siseh, miakpi in siseh hriamngan in an kah hna caah khuami hna cu Mizoram lei ah an zaam hna tiah theih a si .

 

Chin ramkulh Paletwa peng Meik Wa khua cu SAC ralhrang nih Vanlawng in siseh, miakpi in siseh heh tiah hriamngan in akah hna caah khuami hna cu Mizoram lei ah an zaam hna tiah AA nih tuchun ah an langhter.

Nai te ah Arakan Army nih an lak khawh mi Bangladesh ramri ah a um mi SAC ralhrang camp pakhat cu lak tthan an duh caah raltuknak Vanlawng 4 bak in nizaan ah khan an va kah len tiah khuami hna nih an chim.

SAC ralhrang nih ruahdamh in Vanlawng he an kah hna ruangah a pawngkam ah a um mi khuami hna cu an khua chuahtak in an zaam dih hna tiah theih a si.