PDF pasalttha 2 hna cu an camp lei ah SAC ralhrang pawl an rat caah va ngiat hna awk ah an kal. Cu nak cun an tlau colh,

Sagaing ramtthen ah PDF pasalttha 2 hna cu an camp vennak caah leng chuak in mi an ngiat lio ah an tlau i ni thum hnu ah an ruak in an va hmuh hna tiah theih a si A liamcia Zing (September) 2 ni ah khan caah heh tiah an kawl hna i ni thum hnu ah an ruak in kan va hmuh hna ee tiah TDPDF (MinGin) nih an langhter.

 

“Pasalttha Bo Mya Din le Bo Soe Min hna cu kan phu caah biatak a chuah mi le zumh tlak mi an si. Cun kan camp ah hriamnam sernak lei ah ttuanvo a la mi an si. Cu hlei ah raldoh poh ah ralhmai a suang mi an si caah kan nih caah cun ka i bochan taktak mi hna an si. SAC ralhrang pawl thazaang tampi he an rat hnu in kan pehtlai kho ti hna lo i tuzing ka lawng ah an ruak in kan va hmuh hna ee ” tiah an langhter.

 

Ram le miphun caah biatak chuah in rian an ttuan lio pi ah a kan kal tak mi Bo Mya Din le Bo Soe Min hna nih an kan kaltak ruangah kan ngaih a chia hringhran tiah TDPDF (MinGin) nih an cathanh ah an langhter chih.

 


Relchap,Automatic meithal 2 te lawng kan ngei, cucaah ralhrang meithal chuh khawh kan i zuam Pakokku hrambunh ralfir in ralhrang a do tu phu hi 1 le 2 in an um. Asinain automatic meithal zuun 2 te lawng an ngei i an i zat lo tuk caah Auto or Semi auto ngahnak ding caah Mission pakhat an tuah.

Ni zaan ah SAC ralhrang gate pakhat cu PDF nu ralkap pakhat telh in minung 3 nih an va kah hna caah ralhrang minung 3 an thi i G3 meithal zuun hnih le kuan 20 leng deuh an chuh khawh hna Tu ahcun G3 meithal zuun hnih ralhrang kut in an chuh khawh cang hna nain a kuan cawknak ding ah bawmh kan hau ko rih tiah an langhter.Credit Suimilam Net.