PDF pahnih nih Ram le Miphun caah nun nak an pek apoi tuk ee

Tanintharyi ramthen Dawei pengkomh Yephyu peng Pitaukkone checkgate i SAC khah Lah Yah 407 le tualchung hriamtlaiphu kar kahdohnak ah tualchung hriamtlaiphu lei in ralkap 2 an nunnak liam tiah nihin september ni 22 ah Dawei PDF nih cathanh an chuah.

 

 

Aluancia september 19 ni zaan suimilam 7 hrawngah Dawei PDF le tualchung hriamtlaiphu fonh hna i bawmin SAC ralkap checkgate pakhat le ke in rallam sialmi SAC ralkap hna cu kan rak kah hna, cu kahdohnak ahcun kum 23 hrawng simi kan ralkap 2 nih nunnak an pek tiah an cathanh cun an langhter.

 

 

Nunnak a liam mi kan ralkap Ninetynine(နိုင်တီနိုင်း) le Watauk(ဝတုတ်) chungkhar nan ngaihchiatnak kan in hrawmpi hna, a tangmi nan hawi le nih nan rian cu pehzulhin kan rak tuan lai tiah an cathanh ah cun an langhter chih.

 

 

Thawngpangdang Relchap,Naypyidaw, Laywai peng um private sianginn ah ca chimtu saya Ko Yee Soe (kum 24) cu Naypyidaw biaceihzung nih September 19 ni ah kum 20 thong thlak dingin biakhiahnak an tuahpiak tiah, biaceihzung he neihniam in a ummi hna nih nihin September 22 ah RFA ah an chim.

 

Phungrelnak caang upadi poh-mah 50(j) he sual puhnak pahnih then in sualpuhnak pakhat caah kum 10 thong tiin kum 20 thong thlak ding in bia an khiahpiak tiah biaceihzung he aa naihniam mi pakhat nih a chim.

” Nikhat ni ah khan biakhiahnak an tuahpiak, amah cu kum no te lawng a si rih, biakhiahnak an tuahpiak ni ah Yametin(ရမည်းသင်း) thonginn ah an kuat. A mah cu private sianginn pakhat ca a chimh lio ah a luancia January 5 ah khan PDF lei bawmhchanhnak na tuah tiah an puh caah tlaih a rak tong” tiah a chim.