PDF nih bomb in kan puahhnawh hna caah SAC ralkap 15 an thi,

Sagaing ramthen, Myinmu peng ah rallam sialmi SAC ralkap bomb kawl phu le gate hngak pawl cu nizan July 25 ah tualchung PDF nih bomb in kan puahhnawh hna caah SAC ralkap 15 an thi, tiah Black Eagle Defence Force-MMU nih an langhter.July 25 zing sml 6:21 ah Myinmu khua ah bomb va luah ding in a chuakmi SAC ralkap 20 hrawng cu Guipintaw le Buminkyikinkhua karah bomb an fim lioah PDF nih bomb in an puahhnawh hna caah SAC ralkap 13 an thi colh i, 7 hliamhma an pu tiah theih a si.

Zing sml 8:30 hrawng ah Buminkyikin khua le Alakapa khua karah sentari cawngmi ralkap 5 hrawng cu PDF nih an hmanhmi bomb cung an dir lioah bomb in an puah hna i SAC ralkap 2 an thi. An hawile dang cu an zaam dih, tiah theih a si.Cu kahdohnak ahMyinmu Black Eagle Defence Force-MMU nih an hruai hna i, People’s Defence Force Myinmu-MMU PDF၊Myinmu Civil Revolution Force-CRF

Myinmu၊ Myinmu Lightning Guerrilla Force le Myaung PDF hna nih an kah hna.Sagaing ramthen, Monywa khua in a chuakmi SAC ralkaptilawng cu MDF special force le MDF thiamhlei phu hna nih July 24 ah an kah hna caah tilawng 2 cu meikhu an chuak i an rawhnak a tam, tiah theih a si.Tilawng cu Kani peng ah MDF nih 40 mm le hriamhme in an kah hna i, SAC ralkap zong nih an tilawng cu an dirter i 60mm, seh meithal le hriamhme in an kan kah ve, tiah MDF nih cathanh an chuah.

 

Kalay Ah Phone Ser A Cawngmi Mino 5 Tlaih An TongSagaing ramthen, Kalaymyo, hmunhma humhimnak camp pawng ah motor pakhat cu July 23 ah Kalay PDF nih bomb in an puahhnawh hna hnu ah mino 5 cu tlaih an tong, tiah tualchung mi hna nih an chim.Bomb puahhnawh ruangah SAC ralkap 5 an thi, tiah Kalay PDF nih cathanh an chuah.SAC ralkap nih bomb puahhnawh an tonnak hmun pawng ah ummi Phone sernak dawr ah Phone ser a cawngmi mino 5 cu an tlaih hna hi a si, tiah tualchung mi pakhat nih a chim.

A Faak Ngai Mi Kahdohnak In Lehrulhnak Kan Cham Hna Lai : KNDFTulio Media ah a linsa ngai mi; SAC nih Myanmar ramchung democracy dirhkamhtu 4 hri thlai in an nunnak an laak mi hna kong he pehtlai in KNDF nih thawng an thanhnak ve i, “A faak ngai mi kahdohnak in SAC cu kan lehrulh hna lai” tiah an thanh. SAC nih hrithlai in dantatnak an tuah mi cu minung cung zawnruahnak tel lo in

an tuah mi a si caah faakpi in sual kan phawt, tiah KNDF nih an langhter.Kahdohnak chung ah SAC ralkap kan tlaih mi hna le dalan hna cu that loin tha tein kan zohkhenh hna, tiah KNDF nih cun an langhti, sinain SAC nih ral ram lawng siloin hmunkip kakip ah zaangfahnak ngei lo in thahnawnak an tuah ruangah SAC cu an hram cah tiang kan doh lai, tiah KNDF nih cun cathanh an chuah.

Shwe Thaung Yan Ah Rammi Sinak Ngei Lo Mi 46 An Tlaih Hna!Ayayawady ramthen Pathein peng, Shwe Thaung Yan(iva kam ah tilawng in a ra mi rammi sinak a ngei lo minung 46 cu ti lei ralkap nih an tlaih hna, tiah tualchung mi nih an chim. Shwe Thaung Yan tiva kam in a rak lut mi hna cu July 23 zaan Sml 12 ah khan navy le palek nih security an laak lio ah an tlaih hna, tiah theih a si.

Rammi sinak ngeih lo ruangah tlaih a tong mi hna cu minung 46 an si i, cu chung ah cun pa 22 le nu 24 an si. Shwe Thaung Yan palek sakhan ah an konglam hlathlai lio a si, tiah theih a si. Yegyi peng ahhin July 9 ah khan Rakhine ramkulh chaklei in a lut mi, rammi sinak a ngei lo minung 51 an rak tlaih bal cang hna.