PDF le SAC kar August 24 in 25, nihnih chung kahdohnak ah SAC ralkap 5 an thi, hliamtuar

Karenni ramkulh, Demoso peng Ngwetaung khuathar pawng Karenni Revolution Union (KRU), Demoso-PDF le SAC kar August 24 in 25, nihnih chung kahdohnak ah SAC ralkap 5 an thi, hliamtuar zong an tam, tiah KRU nih cathanh an chuah,August 24 kahdohnak ah SAC ralkap 5 an thi i, August ni 25 zinglei suimilam 11:15 hrawng ah kahdohnak a chuak than.

 

SAC lei hliamtuar zong an tam, a thimi zat tu cu aa fiang rih lo, tiah KRU nih an cathanh ah cun an langhter. Nihnih chung kahdohnak ah tualchung hriamtlai phu lei hliamhma tuar um lo in hnu an tolh kho than, tiah theih a si,Kahdohnak a chuahnak pawng khua hna cu zeitik caan paoh ah kahdohnak a chuak \han khomi a si caah a himnak ah zaam dingin ralrin peknak zong an langhter chih.

 

RELCHAP: Tamu ah CDM a Tuahtu Siangcachim sayamah Pakhat Amah le Mah Aa That,Sagaing ramthen, Tamu khuachung Zaytan no. 10 sang ah a ummi kum 30 tluk CDM a tuahtu siangcachim sayamah pakhat cu nihin August 26, zaanlei suimilam 4:00 hrawng ah, a umnak inn ah hri-awh in a nunnak ai la, tiah theih a si.

Siangcachimtu nu cu nihin August 26 ah biaceih zung ah a pasal he thennak an tuah i, inn a phanh ah atu bantuk in a nunnak ai la, tiah theih a si. “Naith-ban-lan” (နိဗ္ဗာန်လမ်း) mi bawmchantu phu hna nih sizung ah kalpi in an thlop lio ah a nunnak a liam, tiah theih asi, Credit;The Chin Post.