PDF-Htilin Nih Pyu-Saw-Htee Phu An Kah Hna

PDF-Htilin nih pyu-saw-htee phu an kah hna, meithal zuun 20 lak, pakhat thah. October 11| Magway Ramthen, Htilin Peng, Ritaw (Yetaw) lampi ah motorcycle 3 in a ra mi pyu-saw-htee hna cu PDF-Htilin nih an rak kah hna i pakhat a thi, meithal (thalpak) zuun 20 an lakpiak hna. Hi meithal (thalpak) pawl hi kanmah sin in SAC ralkap nih an rak lak mi an si i Palek pawl nih

pyu-saw-htee phu an pek hna tiah kan theih bak in kan bawh hna i kan kah hna. Pakhat a thi i pathum an luat. Rel chap – Hakha Rungtlang 266 Ralbawi a P.A. le driver an zaam. October 9| Hakha Rungtlang um 266 sakhaan in Deputy Commander Brigadier General (North-west Commander) Myo Htut Hlaing Personal Assistant (PA) le a motor khaaltu (driver) an zaam, tiah CHRO sin in theih a si.

Mah hna pahnih an zaam hnu ah SAC ralkap pawl an lungrawk ngaingai i cu kong cu a leng chuahter hrimhrim lo ding in an rengh hna, tiah kan theih. Cu hnu ah Chin Ramkulh SAC phu Chairman Pu Ngun San Aung le Rungtlang um SAC ral an nupile tiang in meithal an pek/tlaihter hna tiah kan theih. Hakha ah COVID-19 zorlei a panh lo ruang ah October 15 thok in zarh hnih chung lockdown chiah than timh

October 10| Hakha khua ah COVID-19 zawtnak zorlei a panh khawhlo ruang ah aralai mi October 15 thik in zarh hnih chung lockdown an chiah than lai, tiah kan theih. Nihin October 10 ah meeting kan tuah. Thaizing October 11 in 14 kar ah lockdown chung zulh ding pawl mizapi sin ah kan thanh te lai. Khuami mizapi nih zulh cio khawh i zuam te usih. Crd – THT