PDF Bawmh Ruangah Tlaih An Tong

Ayeyawaddy ramṭhen, Ciankhin peng Kyupinsu(ကြို့ပင်စု) khuami, lei rianṭuan 3 cu PDF nan bawmh hna tiah SAC ralkap nih sual an puh hna i an tlaih hna, tiah tualchung mi sin in theih a si. “May 16 in 18 karah SAC ralkap le palik nih ramkhel kong zong a hngal bak lo mi, kum 50 hrawng lei rianṭuantu hna cu ‘PDF nan bawmh hna’ tiah sual an puh hna i an tlaih ko hna,” tiah tualchung mi pakhat nih a chim.

Tlaih a tong mi 3 hna cu Ye Htun Min, Soe Oo le Nga Hla hna an si i, annih hi Kyupinsu khuami an si. Lam zawh in ralkap uk duhlonak langhter lio hmanh ah a chuak bal lo mi an si, tiah tualchung mi hna nih an chim. Tlaih a tong mi 3 cu Ciankhin palik camp ah chekhlatnak an tuah hna. Palik nih an chungkhar hna he an tonter duh hna lo caah an lungre a thei ngai, tiah theih a si.

Ye U Peng Khuate Pakhat A Khaangtu SAC Ralkap Pawl Cu KUPDF Nih An Kah Hna Caah 3 An Thi: Sagaing ramṭhen, Ye U peng Pidikat khua cu May 19 zinglei ah SAC ralkap nih, mei in an khangh caah Khin U People Defense Force nih chun sml 2:14 hrawng ah drone 40mm in bomb kan thlak hna i SAC ralkap 3 an thi, tiah KUPDF in ṭuanvo ngeitu Bo Tan Ma Nih(ဗိုလ်သံမဏ) nih a chim.

SAC ralkap nih May 18 ah Mutharkung khua cu mei in an khangh dih in Zingzun khua ah zan an riak i, May 19 zinglei ah Pidikat khua an khangh hi a si. Khua chak te ah Sentari an congh lioah KUPDF nih drone in an kah hna, tiah theih a si.

“Zinglei ah Pidikat khua cu an khangh. KUPDF le ṭangrual PDF hna nih khua chaklei an um lioah kan kah hna. SAC ralkap 5 an i teng nain 2 cu an zam kho ṭhan,” tiah Bo Tan Ma Nih nih a chim. Pidikat khua mi le a kiangkap khua 10 hrawng khua mi hna cu a himnak hmun ah an zaam. SAC ralkap nih Ye U le Khin U peng aa pehnak khua pawl cu mei in an khangh hna, tiah theih a si. Credit – TCP

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum