Pasal Tha 2 Nih Ram Caah An Nunnak An Pek

Lai pasal tha 2 nih ram caah an nunnak an pek tiah thei a si. CDF-Thantlang chungtel pahnih nih ram le miphun caah an nunnak an pek. Rel chap – October 22,2021 ah khan Mizo Zirlai Pawl (MZP) nih vaurawng group USA hna bawmhnak in ralzam thiarnak ah lawng an cawkmi cu Central YLA, Lawngtlai le MTP, Siaha hruaitu hna sin ah pekchanhnak an ngei.

 

Lawng pekchanhnak hmun hi nizan October 22, ah khan Liapha khua ah ngeih a si i, hi caan hi Central YLA, General Secretary Pu JH. Lalrindika nih a tlaih. Pu JH Lalrindika nih cun vaurawng group USA le MZP hna cung ah lawmhnak bia tlawmpal a chim i, Tipi ral hmun hlapi in ralzam dawtnak lungthin a ngeimi kan ngeih ruang ah kan i lawm, cu pin ah

Mizoram siangngakchia bu ngan bik MZP hna nih ralzam ca ah tha fakpi an chuah ca ah kan hnangam tuk, tiah a chim. Central YLA General Secretary nih cun lawng an hmuhmi cu Pangkhua, khuataw, Saisihchuah hmun ah chiah a si lai, tiah a chim. Lawngtlai District chung i ralzam tambik rak luhnak hi Saisihchuah lei in a si caah a si, tiah a chim. Ralzam thiarnak ah hin mipumpak lawng hman a si tawn ca ah harnak tlawmpal.

A um pah tawn i, hilio ah vaurawng group USA sin in bawmhnak an hmuh cu vanthat tuk a si, tiah a chim. Siaha District lei ralzam zohkhenhtu mino bu MTP hna cung zong ah lawmhnak bia a chim fawn. Vaurawng group, USA hna nih lawng an cawkpiak mi hna hi pathum an si i, hruitezawl khua ah MZP nih an va cawk. Pahnih hi MTP kut ah pek a si i, pakhat hi YLA kutah pek a si. MTP lei nih hin an lawng donmi cu Siasi le Lopu ah an chiah lai, tiah an chim ve. By. Tluanga Zathang

Crd – TCP