Palik Sakhan PDF Nih An Lak

Magwe ramṭhen Thilin(ထီးလင်း) Peng Kyi(ကျဉ်း) khua palik sakhan cu April 17 zinglei ah PDF-Thilin le ṭangrual phufonh nih an kahdoh hna, tiah theih a si. Cu kahdohnak chung ah cun PDF hna nih CDM tuah ding in forhfialnak an ngeih hna i, Palik an dihlak in an lut ko nain sakhan-hmu (စခန်းမှူး) nih cun a duh lo i SAC ralkap thawng a thanh hna caah sakhan-hmu cu an kah thah.

Sakhan ah hin palik 20 leng an um i CDM tuah ding in an lungtling dih ko nain sakhan-hmu nih SAC thawng a thanh hna caah North West Military Head quarter (nah-mah-khah)(နမခ) nih Jet vanlawng in an kan kah nain hliam tuar kan um lo,” tiah Thilin PDF rianngeitu nih DVB ah a chim.

Yaw(ယော) peng ah a voikhatnak palik sakhan kan lak khawh a si i hmun dang zong kan control khawh nakhnga kan i zuam cuahmah. tiah PDF nih an thanh. Thilin peng ah khuate 74 a um i khua 70 cu kan control khawh cang, tiah YDF (Thilin) nawlngeitu Takhin Zaw(သခင်ဇော်) nih DVB ah a chim. Kyi khua palik sakhan laknak kong he pehtlai in SAC lei nih thawng an thanh mi a um rih lo. Crd – TCP

Rel chap –  Kum 2 timi Zuamcawhnak (Kawl zumh ning) Ne Win Lucky No. 9 a si i Than Shwe Lucky Number cu 11. Kawl ralkap nih a tlang piin a tu in kum 2 ah thimnak ka tuah lai a ti. Thimnak tuah khawhnak ding caah Electoral system thimnak phung zong remh a timtuah cuahmah. NUG zong nih Bond a zuar i kumhnih ca long in a zuar. Kumhnih ahcun atu lio dohnak hi kan tei lai an ti ti khawh a si.

A caan a thawk ka long a si rih. A tlai tuk ti a um bak lo hih unau. Atu nai te long ah an zuar caah. NUG nih a thawkka long a si tinak a si. Kawl zumh ning. Kawl miphun hi nika thlapa arfi (astrology) le number (numerology) a zum ngaimi miphun an si. Atu tiang an zumh rih. Kawl hruaitu poh nih hmailei kong a chimtu (soothsayers) hna le thil a cang khomi tiah ruahmi thin damternak kha bia an ruah an kawl ton hna. Myanmar ram zalonnak zong arfi nika thlapa zohthiam hna nih.

January 4, 1948, zingka suimilam 4 le minute 20 ah nan kan pek ah a tha lai an rak ti hna. A voikhatnak PM U Nu zong nih 1961 kum ah thetseh kawl biaknak pagoas 60000 a rak ser. Daihan a um khawhnak caah. Number pakua 9 zoh chih in a tu bantuk in pagodas tampi a rak saknak a si an ti. Ne Win zong astrologers le numerologiests hna kha 1962 uknak a lak hnu ah ruahnak a rak hal ton lengmang ve hna.

Cucaah 1970 kum ah kawlram kha fak piin thlennak a rak tuah. Kawlram hi kehlei ah a kal tuk. Orhlei ah kal a hau ti a rak si. 1987 kum ah myanmar kyat 45 le 90 zong a rak chuah. Lucky Number a rak ti. Atu tiang a thi kho rih lomi Than Shwe zong a u le nawl a rak cawn lengmang ve. Naypyitaw khuapi na ser a hau an rak ti. A rak ser. 2005 bak ah na ser a hau an ti ning in a rak ser.

Astrologers ruahnak pek ning tein a sermi a si. Ne Win Lucky number cu 9 a si i Than Shwe lucky Number cu 11 a si. Kan nih Zumtu Khrihfami kan caah cun ni vialte hi nisunglawi an si dih. Cu ni a thiang deuh, cu ni a thur eh, cu ni long ah ti bantuk cu Kawl zumhnak nih kan thluak a kan tawl pah cangmi sidawh kan si ko rua. Cu vial. General Aung San hi a thluak kal ning hrimhrim hi a rak i dang ko rua.

Tlangcung mi le kawlrawn mi minsak he aa lo lem lo. A ruang cu theih a si ve lo. Zeitindah a si? Amah a min Aungsan kha min hmai ah a sak a benh hmasa lehlam dih hna. Tahchunhnak – Aung San Oo, Aungsan Suu Kyi tbt . Midang thluak le min pek he i lo sehlaw Suu Kyi Aungsan ti a si hnga cu mu… hehe.

Tlangcung le Kawlran poh cu hringtu an pa le an min kha a hnu bik ah an chiah dih. – Tahchunhnak – Hringtu pa kha Khauh Khauh sisehlaw fanu siseh fapa siseh – min ah Ms Liang Liang Khauh Khauh ti phun in an i sak dih. Aung San hi a fa le min umtu ning zoh ah phundang pi bak a si hrimhrim ko. Crd – Thawng Za Pum

Chin ramkulh Falam peng Rihkhawdar ramri gate CNDF camp cu, March 26 zinglei ah SAC ralkap nih an rak laak lio ah CNDF ralkap pahnih an rak tlaih chih hna i, April 18 ah an ruak in hmuh an si, tiah theih a si. Camp ah rawlchuangtu CNDF pahnih hna cu.

SAC ralkap nih an tlaih hna i, an thawngpang a daih hnu ah hi bantuk in an thah hna. April 17 ah dum ngeitu pa pakhat cu a dum ah a kal i, rimhaw a thu tuk mi nih a namh tikah a va zoh cu ‘miruak’ an si. Rianrang in Rihkhawdar khuanu khuapa a va chimh hna i ruak cu an laak zau hnu ah an khua ah an vui hna. Pehnih(2 ft’) thuk ah an rak phum hna i an mui a fiang ti lo.

Pakhat pa hi a sam sau. SAC ralkap nih an tlaih i a luat ṭhan mi pahnih nih “I kahdoh lio zinglei ah meithal thawng voi 2 kan theih cucu anmah hi si dawh a si” tiah a chim,” tiin dum ngeitu pa nih cun a chim. Thah a tong mi hna lakah pakhat hi kum 24 a si i, naupawi lio a nupi a liamtaak. Pakhat pa hi kum 30 hrawng a si i nu le pa ngei ti lo mi a si, tiah kan theih.