Nungak Pawl Nih Tlangval Nak in Nupi Ngeicia Mi Patung An Duh Deuh Tawn nak A Ruang Phun ( 5 )

Atu kan chan ah hin nupi ngeicia le fa ngei cia patung pi pi nih nupi le fle zawn hmanh ruat lo in nungak dang a ngeimi tampi an um i , nungak zong nih tlangval si lo patung a si ti theihko bu in mualpho le thangchiat hmanh ruat kho lo in mi pasal cia a si mi patung cu an duh ve hna caah chungkhar a kuaimi tampi an um cang . zei ruang ah dah nungak cathiam le muidawh pipi nih patung cia cu an duh khawh hnga ti mi cu a tanglei ah kan rak langhter lai .

1. Nupi ngeicia a si ko nain nungak mit a au rih mi pa a si ti kha nungak nih an theih caah :Nungak hi thluk le fimnak a ngei tuk mi an si i , hi patung nih hin a ka duh ziar ko ti mi a theih kho tuk mi an si . nungak pakhat nih nupi ngeicia patung kha a thli tein a duh ko hmanh ah hi pa hi cu pa felfai te a si i a nupi le a fale kal tak in keimah hi cu a ka duh kho lai lo tiah an ruahmi pa cu nungak zong nih an ngamh hna lo izeitluk an duh ko hna zong ah an tihzah hna i an i fimkhur ti a si . curuang ah cun nupi ngeicia pa nih nungak dang a ngeih khawh a si ko ah cun cu pa cu lung rep ngeilo pa hrimhrim a rak si ti kha a langhter .

2.Nupi ngeicia pa cu an lungfim i an dai dam :Nupi ngeicia patung tampi nungak nih an duh hna nak a ruang bik lak ah aa tel ve mi cu , nupi ngeicia pa cu a thilton mi le hmuh ton mi a tam tik ah um tu thutdir zia a thiam i biachim holhrel zong a thiam . A chungkhar acawnken nak ah khurkhua ruahnak lei zong ah bochan awk a tlak tik ah nungak tampi nih an rak duh colh tawn hna . a zungzal in game i celh le a puitling rih lo mi pa bantuk in a nun a hman ti lo mi kha nungak tampi nih an uar khawh khun tawn nak a rak si tawn .

3.Phaisa kong ah thinphan awk a um lo caah :Nungak pawl nih patung cia an duh tawn hna nak a ruang cu patung pawl he i komh cu phaisa kong ah lungre theih ding a um ti lo ti a si . Mirum pi an si lo hmanh ah nungak pakhat danghnak le tlawnlen pi nak cu patung cia nih cun an zal te ah a rak um ve lengmang ti a si .rian tha te aa tleihmi patung lebang cu nungak mit ah khin an rak cuang duh ngai ti a si .

4. Midawt an thiam Nupi ngeicia patung pawl cu tlangval pawl nak in midawt an thiam deuh ti a si. a zeikong poah ah tlangval nak in an ruahnak zong a pical deuh i nungak cung zong ah na lungsau deuh tik ah nu tampi nih cun tlangval nak in nupi ngeicia patung pawl hi an duh deuh tawn hna nak a si ti a si

5. Patung poah hi nupi dawt thiam le thlum alh thiam ah an ruah dih hna caah :Patun gtampi cu rian tha tein a tleih i nupi le fale zong tha tein a zohkhenh i a dawmi an tampi , cu bantuk patung an hmuh hna ah cun keimah zong a nupi sining law a ka dawt ve thiam ko lai mi tha bak a si tiah an ruah dih tawn hna caah mi patung cia khi nungak tampi nih an duh tawn hna nak a si .

Cucaah cun patung a si cang mi le nupi fale he a um cang mi nih cun zei bantuk nungak hmang ngeih ti lo ding a zoh zong zoh lo ding . Hi nu nih phaisa ruang men ah a ka komh ti hmanh nai theih lo kar ah khan na ngeihchia chawva vialte an ei dih hnu ah na chuangkhar he an then ter dih lai i a donghnak ah cun mualpho in an chiatu ding nu Samson bantuk in na caah Delilah an tampi kho . a him bik mi cu nupi ngei cang na si nak kha tihzah upat law Bawipa tih law na chungkhar ca lawng ah na can kha pe ko . cucu patling le pafel rian a si i na chungkhar an i lomh kha na caah biapi bik asi zungzal ti kha zeitik hmanh ah va philh hlah .

Note : Hi ca kan tialmi hi kan mahb ruahnak men a si lo i nungak tampi ( mi patung he ai duh mi ) interview nak an tuah hna i a phi an chuah mi chung in kan lak chin mi a si.