Nizan Timit kuang kahdohnak ah SAC ralkap 10 hrawng an thi i,

Nizan Timit kuang kahdohnak ah SAC ralkap 10 hrawng an thi i, CDF-Hakha in chungtel pakhat a nunnak a liam ve, tiah CDF chungtel hna sinin theih a si.”Timit in kehlei kam a sancemnak tlang ah ralhrang an rak kai i 11:00am in kahdohnak ai thawk. Chum a zaam tuk ruangah ralhrang pawl hmuh khawh an si bak lo.

 

“11:10am hrawngah ralhrang lei RPG kuan cu kan hawile umnak bak ah a tla i, Hakha in kan hawipa pakhat a nunnak liam. 1:30pm tiang ah kahdohnak a dih rih lo. “Ralhrang pawl nih tlang a sancemnak hmuhma an kan chuh khawh! Ralhrang lei hriamnam i in awk a that ti lo ruangah kan hawile hnu ah an pil. Ralhrang lei in 10 cung cu an thih lai zumh a si. CDF-Hakha in pakhat a nunnak liam i pahnih hliamhma an pu,” CDF-Thantlang chungtel pakhat nih a kan thanh.

 

Rechap,A luancia July thla ah thah a tongmi Japan Prime Minister hlun Shinzo Abe thihnak kong he pehtlai in Japan Palik bawizik a rian in a chuak tiah, theih a si.PM hlun thahnak kong ah Japan humhimnak lei bawizik pakhat ka sinak in ka rian ka tlamtlinh lo caah rian in ka din lai, tiah Palik bawizik nih cun a chim, nain zeitik ni ah a dinh ding kong bel te cu a chim chih lo.

A luancia July 8 lio i PM hlun Abe a thattu pa nih Abe cu naih tein a kah khawhmi hi palik pawl kan santlaih lo a si, tiah Palik nih cun cathanh an chuah. Abe thattu Tetsuya Yamagami cu a hmun ah tlaih a si i, a thluak lei chekhlatnak an tuah lio i November thla tiang chekhlatnak kan ngeih rih lai, tiah an cathanh ah cun an langhter.

Abe cu ka huat tukmi Unification Church i a kal ruangah ka thahmi a si, tiah a thattu Yamagami nih cun a chim. PM hlun Abe chungkhar nih cun a thih ni ni 45 tlin thlacamnak cu Buddhist biakinn ah an tuah, tiah theih a si.
Credit;The Chin Post