Nithum Chung Kahdohnak Ah SAC Ralkap 100 Leng An Thi!

Kayin Ramkulh Nithum Chung Kahdohnak Ah SAC Ralkap 100 Leng An Thi! Kayin ramkulh Myawady thlanglei, Shweayemyine khua lei ah rallam a sialtu SAC ralkap hna le Venom tualchung hriamtlai phufonh hna cu nizaan July 30, zinglei suimilam 11:00 hrawng ahkhan fak ngai in an i kap i, cu kahdohnak ah cun SAC ralkap 80 hrawng an thi. Tualchung hriamtlai phufonh lei in ralkap 3 nunnak a liam ve, tiah VENOM phu nih cathanh an chuah.

SAC ralkap TaT-mah 44 kuttang um ralkap hna cu Wawlay peng in rallam an sial i, Saw Win Myint hruai mi VENOM phu le Aye Sae Wa hruai mi Lion phu nih an kahdoh hna. July 27 in July 30 tiang kahdohnak a chuak i, cu kahdohnak ah cun SAC ralkap 100 hrawng an thih lengah zeimawzat hliamhma an tuar. Tualchung hriamtlai phu lei in minung 4 nunnak a liam, tiah an cathanh ah cun an Tial.

Relchap,Myothar Industrial Hmun Pawng Ah SAC Mawtaw Bomb Puah An Tong I A Tlawm Bik Ralkap 10 An Thi!Mandalay ramThen, Thada-O-Myothar-Myinchian lam ah SAC ralkap mawtaw pawl cu bomb puah an tong i, ralbawi tel in ralkap tam ngai an thi, tiah Red Dragon Guerillas Force-Myinchin nih an thanh. July 30 zing Sml 9 tluk ah Myothar in a rak chuak mi SAC mawTaw ngan 4 cu Myothar industrial hmun pawng ah padeta bomb lung 5 in puahhnawh an si i, Mawtaw 2 cu bomb nih a khen caah ralkap zeimawzat an thi, tiah Red Dragon Guerillas nih cun an thanh.

 

Red Dragon Guerillas Force-Myinchin in Tuanvo ngeitu nih cun, “Ralkap 10 an thih cu fiang in kan theih i, hliam tuar zong an tam ngai ko,” tiah a chim. Ruak le hliamtuar hna cu mawTaw cung ah an khin hna i Myinchian lei ah an kalpi hna. Sii-ai le thlopbulnak an i tinzoh lo caah Myothra lei ah an kalpi Than hna i ruak 7 cu sianginn ah an chiah ta hna, tiah theih a si.

Credit;The Chin Post