Nihin Tonzang Peng Chung Ah Thil A Cangmi

Nihin Tonzang Peng Chung Ah Thil A Cangmi. Nihin ah Tonzang peng chung ah COVID-19 positive minung 5 an hmuh than tiah kan thei. June 30 Tonzang peng Covid-19 update an tuahmi hna cu an min hna Cikha Sii-inn, Chek mi zat = 2,  Positive = 1, Tonzang Sii-inn, Chek mi zat = 15, Positive = 4g, Tonzang peng chung fonh, Chek mi zat = 17 Positive = 5.

Sii-inn in a chuak mi zat = 10, Nihin ah Covid-19 zawtnak in a thi mi an um lo tiah thei a si. A dang relchap thawngpang – June 30, tuni ah ralhrang nih hramhram in an tlaihmi thonghnih renglo kan thlah hna lai tiah ralhrang lei chimthanhnak tuanvo ngeitu nih an chim. February 1-June 29 tiangah ralhrang nih hramhram in an tlaihmi 6421 an si. An thlah than cangmi

Zeimawzat an um i 5224 hi thlah rih lomi an si. Cu chungin tuni ah minung 2342 cu thlah an si lai tiah ralhrang lei chimthanhnak tuanvo ngeitu nih cun an chim. Cun Hakha palik sakhan ah hrenmi minung 41 zong tuni ah thlah an si lai tiah Chin World nih a tial. Hakha palik sakhan i an hrenmi hna hi nu 8 le pa 33 an si. Pohmah 505 (a) in taza cuaimi an si tiah theih a si.

Credid – TCP